Фото: www.magas.ru
Г1алг1а ва со, г1алг1а ва!
Доккхача дунен хьаьша ва.
Боаг са дег чу ц1ера ала,
Бокъо яц са эсала вала.
Бокъо яц халонех къехка,
Лаьтта вахаргвац сий дехка,
Къахьа мерза дайза ва,
Г1алг1а ва со, г1алг1а ва.
Машар эшачоа ва мерза,
Моастаг1чоа калургьяц герза,
Мехка са лургадолаш ва,
Г1алг1а ва со, г1алг1а ва.
Хеставергвац дувцаш говза,
Денал, эздел долча вовза,
Со кхераш цхьа АЛЛАХl ва,
Г1алг1а ва со, г1алг1а ва.
⠀⠀⠀⠀⠀⠀⠀⠀⠀⠀
Илез Матиев
Источник: Magas.Ru
16.12.2017 19:30