Новости города БезФормата.Ru
Магас
Главные новости
 
Задать вопрос?

​ГIалгIай мотт дийна лоаттабаь саг

​ГIалгIай мотт дийна лоаттабаь саг - Сердало
Фото: serdalo.ru


МоллагIча къаман мотт ла, нагахьа санна из даим бувцаш ца хилча. Дешаш кIезиг-кIезига дицлуш дIадоал, дIабувцачар шеклелхаш бувц, юххера безаме, дега тоам беш из бувца ховш болча наьха фу хадарга кхоач. Цох оал-кх, мотт беннаб. Дуккха метташ моццагIе дайна хургдар, тайп-тайпарча ханашка царех дог лазаш, уж дийна лоаттадеш бола нах хиннабецаре. Цу тайпарча нахах цаI вар 80-гIа шераш хьатIакхаччалца, «Сердало» газета керттера редактор хинна Тебоев Iабазбика Тухан. Газет мел дешача хана, айса из Iодиллале массаза цун редактор малав хьожаш оамал яр са. ЙIаьххача хана редактор яхача оагилга чура дIа ца йоалаш латтар Тебоев яха тайпан цIи. Болх бе ховш вола журналист из хилара тешал деш дар из масал.

1980 шера университета филологически факультета къаман отделени яьккхача, Сурхо тIарча школе цхьан шера болх бу аз. Цул тIехьагIа газете балха ваха ловш (из дар 1981 шера июль бетта), «Сердало» газета редакце вахар, цига се балха дIаэций хьажа.Из яр В.Маяковске цIерагIча урам тIа хиннача Кепайоазон цIен ялхлагIча этажа тIа. Иштта хоза яьча гIишлон тхов кIалха айса болх бергба аьнна дагадессача а, боккха салоIам хулар сона. Редактора со дика тIаийцар. МагIарча пенагахьа букъ болаш, доккхача IажагIча истола хьатIахайна вагIар юкъ-юкъе дикка кIайбала болабенна корта бола, цIе бос, доккхо бIаргаш дола къонах. Цу истолах хьалхашкара дIатIахетта цхьаькха зIамига истол латтар, шинна оагIорахьара хьатIаовттадаь гIандаш долаш. Со чуваьлча хьалъайвенна, Iохар дийхар цо. ЛаьгIо кIур хьалъухаш улла гIаьле хьа а ийца, хаттараш де волавелар. Мичара ва, мичахьа деша ваьгIав, царех тарра кхыдараш хийттачул тIехьагIа аьлар:

— ГIалгIай меттала язде хой хьона?

— Хов, — жоп делар аз.

Кхы дош ца оалаш, ший истолах йоаллача кнопка тIа пIелг тоIабаь, секретаршага чувехийтар культура отдела заведующи. Цу хана эггара хьалха вайра сона Абадиев Бек. Чувехара бахьан дIа а дийца:

— МоллагIа цхьа декхар тIадиллал цунна, язде хой хьажа. Цо из толамца кхоачашдой, балха хьаэцаргва вай культура отдела корреспондентал,- аьлар керттерча редактора.

Яьсса латтача 613 кабинета дIоагIаш хьа а денна, цу чу дIачувахийтар со. ТIеххьа чувенача Абадиевс истола тIа Iойиллар «Палочки ботулизма» аьнна цIи йола статья. Йоккха-м яцар из, 2-3 оагIув хиллал мара.

— Шаьрача, нийсача меттаца Iа цунна таржам дой, аз балха хьаэца могавергва хьо,- аьлар Бека. Со цу чу вита, дIавахар.

Iо а хайна, таржам де волавелча, аз сай метта юкъе вIалла ца леладаь дешаш а тIехьа нийслора укхаза, хIаьта а керттера маIан дута а дуташ, гIалгIаша дIабувцача меттаца таржам дир аз цу йоазонна. Из, цхьа-ши ди доаллаше, арадаьлар, сох гIалгIай керттерча газета корреспондент хилар. Цхьан шера совгIа из болх бича кIеззига лакхвир со, хIанз сох хилар газета воккхагIвола корреспондент, алапи тIатехар.

Иштта хилар Тебоев Тухан сона вовзар. Балха-м дIаийцавар со, бакъда школера мукъавалийтацар. Цу хана университет яьккха хьехархо, цун безам бале а беце а, кхаь шера школе болх бе безаш вар. Наьсарен районо заведующе I. Ужаховс вIалла дIатIаэца тиганзар са дехар. Тухана каьхат яздир Нохч-ГIалгIай сердалон министрага С.Мовтаевга, ер саг редакцена эшаш ва, йиш яле мукъавалийта, аьнна. Цул тIехьагIа кхоачашхилар са уйла.

Тебоев Iабазбика Тухан ваь хиннав 1923 шера МагIалбика района Юкъерча Ачалкхе. Цун нана Булгучева Зали Йоккхача Ачалкхе а Алхасте а бахача цу тайпан нахах хьаяьнна хиннай. Вай Сибре дигале (1930), Буро тIарча юххьанцарча школе деша ваьгIав из. Дийшад цигарча педрабфаке. Мохк бохабаьчул тIехьагIа Кустанаера сайранара партшкола йоаккх, Алма-Атерча тикай директорий курсаш деш. Юкъера школа цо чакхйоаккх 1958 шера Наьсаре. ДIахо цо деш КПСС ЦК Роcтоверча лакхарча партийни школе. Балха юхьиг дIайолаеш, мохк бохабале «Сердало» газета литсотрудника гIонча волаш болх баьб Тухана. Цу хана 18 шу даьнна зIамига саг хиннав из. Цо даь балхаш дувцаш хилча, ала деза из хиннав: Пригородни района комсомола секретарь (1942), КПСС Нохч-ГIалгIай обкома инструктор (1943-1944), Урицки райпромкомбината балха заведующи, цигарча РИКа Iобахьийтача наьха отдела заведующи, складашка заведующи, товараовед, тикай директор волаш (1944 -1957). Цу заман чухь цо болх мишта баьб дика хьагойташ я, Кустанайски областа мах бара урхаллен кулгалхочо Д. Кобас Тухана язъяь характеристика. Цу тIа да укх тайпара мугIараш: «…Нов. Тебоева кулгалдеш йолча коллективо (Тухан цу хана №2 йолча хозрасчётах болх беча тика директор хиннав – С.А.) даим кхоачашъю товар тIадарца а дохкарца а ювзаенна план. Боккха болх чакхбаьккхаб эри дада лаьтташ оахаш бола нах Iалашбеча. Дика болх барах, паччахьалкхен совгIат а « 1957 шерара советски мах бара отличник» яха седкъа а бала оттаваьв…»

Цар дезале цул совгIа кхы а кхо воша хиннав. Цхьабараш, вай мохк лорабеш, Сийлахь-боккхача Даьймехка тIем тIа лаьттаб. Масала, эггара воккхагIвола Тархан зIамагIвола политрук волаш, моастагIашта духьаллаьттарех ва. Сталинград лораеш тIемаш дарах тийнна паччахьалкхен совгIаташ а да цун. ТIехьагIа денал долча тIемахочох хул парте Наьсарен райкома хьалхара секретарь. Вож ши воша – Бийсолтеи Султани — Туханал зIамагIа вар. Бийсолта МагIалбика ПУЖКХ балха хилар, Султан къахьегаш хилар цигарча кинофикаце даькъе.

Сибре бигача хана, уж баьхаб Казахстана Кустанайски областа Урицки районе. Цига 1947 шера Тухана саг йоалаю. Цун фусам-нана хул Мальсагова Любайх. Из ше Аьлтий- Юртара яр. Таханарча дийнахьа Люба йоацаш я, из кхалхай 2005 шера. Цар ялх дезалхо ва. Пхи воIи цхьа йоIи. Фаьлгашка бувцарех тара ба уж. Цар массане чакхъяьккхай Шолжа-ГIалий тIара №38 йола юкъера школа. Берригаш тахан болаш ба, могаш-маьрша а вай республике а цул арахьа а къахьегаш ба. ВоккхагIвола Сафар гIишлонхо хиннав, хIанз пенсе вахав. Тамара «Ингушэнерго» яхача объединене къахьегаш я. Жабраил Нохч-ГIалгIай телевидене оператор хилар цхьан юкъа. Цигарча наха а из вовзача гIалгIашта а чIоагIа дукха везаш а вар. ГIалгIай республика хьаяьчул тIехьагIа, ший йиша йолча объединене болх а баь, пенсе вахав. Мухьмад ветеринарни даькъе къахьегаш ва, Буро тIара юртбоахама институт чакхъяьккхачул тIехьагIа. Тамерлан «Ингушэнерго» лораеча нахаца ва. Эггара зIамагIвола ИбрахIим вахаш а болх беш а Шолжа-ГIалий тIа ва. Иштта кхийнаб Тебоев Тухана дезал, из ше дика хиларга хьежжа дика а болаш.

1957 шера май бетта цIабоагIа уж Казахстанера. МагIалбикерча Картофельни оалача моттиге баха ховш, бакъда цига цхьа шу мара даккхац цар. Тухани цун дезали Шолжа-ГIалий тIарча Калинина цIерагIча поселке дIаболх. Цу хана денз, Нохч-ГIалгIай республика йоххалца, цига а бах. Уж цIабаьхкача шера юха арадувла долалу къаман керттера газет «Сердало». ВIашагIтохаш бар цига болх бергбола нах. Тебоев Тухан хьожаву геттара бехктокхамерча балха тIа, цох хул партийна вахарах яздеш йолча отдела заведующи. Цу хана керттерча радакторалла хьожаву Льянов Керама Мустафа. Шин-кхаь шера из болх баьчул тIехьагIа, Тухан хьожаву Нохч-ГIалгIай радиои телевиденеи коррсета заведующел, тIаккха редакторал, воккхагIволча редакторал, керттерча редакторал. 1969 шера цох хул СССР радиои телевиденеи Нохч-ГIалгIайче гIолла вола корреспондент. ДIахо юха а цул хьалха ше баьча балха тIа вода.

1973 шера Шолжа-ГIалий тIа гIалгIай митинг хинначул тIехьагIа дукха ха ялале, «Сердало» газета керттера редактор Льянов Мустафа пенсе вода, цох газета таржамхо хул. Керттерча редактора гIанд Тебоев Туханага кхоач.

Со цига балха вахача хана, коллективе къахьегаш хиннараш ха яха нах бар. Эггара зIамагIа со а волаш, дар гIулакх. Са цу хана даьннадацар 22 шу мара. Коллектив къонъярга Тухана баьккха хьалхара гIа бар ала мегаргда, со балха дIаэцарах. Редакце болх беш хиннараш бар дуккха шераш цу гIулакха дIаденна нах. Масала, царех вар редактора заместитель, дукхагIдола йоазош дешаш хинна Хамхоев Мустафа, промышленни отдела заведующи Костоев Башир, партийни отдела заведующи Майсигов Саламхан, юртбоахама отдела керте лаьтта Аушев Султан-Хьамид, таржамхо Плиев Ахьмад, бехктокхаме секретарь Котиев Султангири, газет арахецарга хьожаш хинна Эгиев Хьамид, фотокорреспондет Плиев Идрис, машинисткаш Арчакова Азаи Райхьанти, корректор Газдиева Фая.Итташ шераш газете даьха болча царех, Тебоев Тухана тешаме новкъостий хиннабар, хIама хьалхадаккха ца дезаш, сахьато санна нийса а кIаьд ца луш а болх бора цу наха. ХIара дийнахьа кхоллама болхло редактора хьалха Iобилла безаш вар кIезигагIа бале 250 мугI. Уж хила йиш яр ше язбаь е таржам даь. Цу декхарах, дукха хало йоацаш, лоархIабора отделашкара болхлой. ХIаьта а къоаналгахьа лестача наха хала дар командировках аха, хIара дийнахьа кердадар, газет дешача наха дукхагIа товргдар, дезалургдар леха. Цул совгIа, редакцега уж командировке кхувла машен яцар, цхьабараш баха фусам йоацаш, ахча телаш, наьха квартирашка бахар. Ха дIа мел йода коллектив къонъяла йолаелар. Редакце балха баьхкар наьна мотт дика ховш хинна къонабараш. Царех вар Угурчиев Азматгири, Вышегуров Мухьмад, Шадиев Хьусен, Аушев Руслан, Саутиев Ювназ. Цунга хьежжа къонъелар штате боацача корреспондентий тоаба а. Каст-каста редакце хуларех бар студенташ Барахоев Мухьмад, Хамхоева Жимсари, Угурчиев Мухьмад, музея болхло Торшхоева Зарема, театра болхло Кодзоева Дугурхан, иштта кхыбараш. Вешта аьлча, газета дика хургдола хIама хьадара духьала хилацар цунна керте латташ вола Тебоев. Балха хьаахари из лерттIа хьабари мишта хила деза цо хьахьокхар ший масалашца. Iуйран ийс далале ший кабинете дIачуваьлча, делкъийна сахьат даьлча мара аравалацар из, делкъал тIехьагIа ялх даллалца а кхы дукхагIа а ха йоаккхар балхах воаллаш. Балха ханнахьа хьаухари цаухари цу сахьате гуш хулар, хIана аьлча хIара Iуйрийна ийс даьлча редактора кабинете планёрка хулар, арайоала номер а тIехьа тIайоагIараш а ювцаш, болх бер-цабер белгалвоаккхаш а.Тухана кабинета аьрда оагIорахьа дIаьха истолаш латтар, радакце берригача болхлошта Iоховша оттадаь гIандаш долаш. Кабинет ше йоккха яр.Саг уралатта везаш хилацар. КIира чакхдаьлча, кепа мел техача йоазоний, кепа тоханза кийча дадарий рапортичка оттае езар хIаране. Вешта аьлча, болх беш а цабеш а лела йиш йолаш дацар гIулакх, цIенхашттара тIахьожам бар лоаттабеш.

Деррига газет цу хана арадувлар цхьан, гIалгIай, меттала. Цу меттала йоазув дика ховш, цунца кулг шаьрденна бар лакхе хьоахабаь къаьна а къона а редакце болхлой. ХIаьта эрсий, нохчий автораш а хулар бе-беча отделашка гIолла шоай йоазошта кепа етташ. Цар хьаденачарна таржам де кийча багIаш хулар, лаьрххIа из болх беш бола нах. Вешта аьлча, моллагIча меттала из йоазув редакце чуденадале а, бакъда ара-м гIалгIай меттала мара далацар из. Царех цхьадараш Iаьржача шаькъаца тоадийя, нийсдийя хулар, из Тухана кулг дар. Даим Iаьржача шаькъаца яздора цо. Цу гIулакха цун истола тIа латтар из бос бола шаькъа чудетта ручка. ЦIаккха цо сийнача е кхы бос болча ручкаца яздаь дайнадац сона, айса цига яьккхача хана. Хало яле а, редакцера болхлой дIаIемабар цун хатIага (почеркага). Льянов Мустафай йоазув дайначоа, геттара атта хетар Тухана даьр. Мустафай почерк кхетаеш из шеи машинисткаши мара бацар ерригача редакце. Деррига йоазув, вIашагIдоахкаш и яха алапаш яздича санна хулар.

Цхьабола редактораш хул, яздаьр нийса деле а, шоай тайпара тоаде гIерташ. Цу тайпара хIама Тухана дицар. Къаьна журналист хиларах тарра, цо кхетадора, хIара яздеш волча сага ший стиль (мотт) хулга. Цо дукхагIа теркам тIабохийташ хиннарех ши моттиг ювца безам ба са. Эггара хьалха газет ший ханнахьа арадалар Iалашдора цо.Цхьайолча хана бийса яххалца болх безаш нийслора. Масала, мехка столице парте съезд хилча, кхыйола еза моттиг хилча, цига даь къамаьлаш телетайпаца хьалдайтар. Цул тIехьагIа, сихха таржам а даь, эггара хьалха арайоалача газета номер тIа IотIаоттаде дезар из. Цу балха юкъе доккха дакъа лоацар керттерча редактора ше. Деш дола таржам метта шаьреи дешачо атта кхетадергдолаши дора кулгалхочо. Иштта цун таржамаш кепа теха хулар, «Доазол арахьа» яха корта болаш. Цар дувцар дунен бе-беча миIингашкарча политически хьалах лаьца. ШоллагIдола хIама дар, цо даим йоакхо еш, газеташ наха яздари киоскашка гIолла уж дохкари. Районашкара хьакимаш а газета болхлой а оарцагIбоахар, шера а ах шера а газет яздара кампани дIайолаелча. Цар дикка аьттув а боалар цу даькъе. Киоскашка гIолла уж дIа мишта доал, дIа ца далара бахьанаш малагIаш да хьожаш, рейдаш йора. Цу моттиго а тоабора газета болх.

Редактора ше а каст-каста йоазош дора, царна кепа еттар газета оагIонаш тIа. Къаьстта а цо дукхагIа язъеш хиннар яр передовица. Журналисташта ховргда из фу яхилга да. МоллагIа мехка вахарае нийслуш йола лоархIаме моттиг хьа а ийце, цох дора цу тайпара йоазув. Цунна кепа тохар хьалхарча оагIон керттерча, из дIайолаеча моттиге. Цох оалар передовица. ДукхагIйолча хана из язъеш хиннар Тебоев вар. Из хулар тайп-тайпарча дешашта хетаяь: партийни вахара, экономикаца дувзаденнача дешашта, ширача заман Iадаташта, кхычарна.

Цхьа дика оамал яр цун. Къонача журналисташца гIожа воацаш, царех дог лазаш, уж кхобеш вар Тухан. Дуккха шийл зIамагIволча журналистага, тIехъяьккха оаз айеш, гIар еш вайнавац сона из. Цаховш гIалатваьнначоа а таIазар де ца гIерташ, хьехамца из нийсача новкъа ваккха гIерташ хулар. Цхьа моттиг нийсъелар газета болхлочоа тIалаткъаш каьхат яздаь. Кхывар хиннаваларе, журналист дIаваккха хьожаргвар. Бакъда Тебоев сихваланзар. Из дош дикка техкар цо. Ший болхло бехке воацилга гучадаьккхар. Иштта из къахетаме хилар гойташ, цхьаькха цхьа моттиг ювцаргья аз. Со МагIалбика районе командировке хьожаваьвар. Ховш да-кх Шолжа-ГIалий тIара, автобусаш тIа хувшаш, командировке ваха сел атта доацилга. Цу хана-м хIанзчул халагIа дар из. Сарахьа цIаваха кийчлуш со воаллаш, редактор кхайк хьога аьлар приемне ягIача кхалсага. Чувахар со хьаким волча.

— Сали, кхоана Iуйрийна со ва МагIалбике водаш, тIехьа ца вусаш, хьалъаравалалахь, оаха дIавугаргва хьо МагIалбике, — аьлар Тухана. Са гIадвахар дувца боарам боацаш дар. Цу хана эггара дикагIа лоархIаш хиннача «Газ-24» оалача Iаьржача «Волгаца» хилар са районе вахар. Каст-каста нийслуцар корреспондента вахаре цу тайпара моттигаш. Сайна тIадилла декхар кхоачашдаь, ханнахьа цIавар хилар са.

Карарча хана гIалгIай меттаца дувзаденна дукха гIалаташ ду журналаш тIа, книжкаш тIа, телевидене. Тебоевс чIоаггIа къовсам лоаттабора, ше кулг яздеча газета тIа уж ца хилийта гIерташ. Харцахьа яздаь дешаш дувцар планёрка тIа. Цхьайолча хана цхьан деша гонахьа а къовсам боалар. Сона дагадоагIа, Кавкази Дагестани яха дешаш мишта язде деза оахош дийца. Юххера а сайцар, Кавказах Даькъасте аргдолаш, Дагестанах ДаьгIасте аргдолаш. Массарна дIахайташ дар цхьа хIама, орфографи долаш долча дошлоргашка хьежжа хила езилга, хIаране шийна хетача беса ца яздеш. Арадийннача газеташ тIа гIалаташ дукха дий хьажа дагахьа, Тебоевс цхьайолча хана Iилманхошка, гIалгIай меттаца болх беча нахага дешийтар газет. ТIаккха уж редакце а хьийхе, коллектива хьалхашка къамаьл дайтар. Иштта цIенбора, нийсбора газета мотт цун керттерча редактора.

Вахар даим цхьан апарах лелац. Цкъаз, гаьнна дIа-юха ваха везаш, моттигаш нийслу сага вахаре. 1981 шера дар из. Украинерча Херсоне литературан денош дар. Цига гуллуш бар берригача мехкара йоазонхой. Нохч-ГIалгIайченца яхь лелаеш а доттагIала бувзамаш долаш а яр из область. Цудухьа цу литературни цIайна юкъе дакъа лаца вахийта лаьрхIар вай мехкара цхьа нохчои цхьа гIалгIаи. Нохчо хилар Айдаев ЮвшаI, гIалгIай цIерах цига вахар со. Соца венар сол дуккха воккхагIа, аз наькъа эздел леладе дезаш саг вар. Цу хана «Ленина никъ» яхача нохчий керттерча газета редактора балха тIа вар из. ХIаьта со «Сердало» газета мугIарера корреспондент мара вацар.Цунца се вахийтарах а из дикка вовзарах а тахан а тIехьа доаккхал ду аз, хIана аьлча Айдаев кIоарга хьаькъал, сабар, эздел долаш саг вар. Арахьа лелаш ха дезарех дуккха хIамаш Iомадир аз, цунца цу наькъа ваха хиларах. Цхьа кIира хиллал ха яьккхар оаха шинне Херсоне. Эггара хьалха сона бIаргадайра Днепр, украинций хьаьша везар, цар оттаду тух-сискал, культура, Iаьдалаш, оамалаш. Тхо хилар дуккхача къахьегама коллективашка, мезейшка, тIемаш лаьттача моттигашка. Байзар кхыча къамий йоазонхой. Масала, Херсонера Николай Братан, Симферополера Дмитрий Черевичный, Николаевера Вячеслав Качурин, Карачаево-Черкесера Алим Ханфенов. ТIеххьарчоа йоI тIаягIаш совгIат деннадар (панно). КIеззига ха яхано саг вар из, хIаьта со геттара къона вар цу хана. «Сали, – аьлар Ханфеновс, — со къаьно ва укх сурта, хьога дикагIа товргда ер. Согара совгIата да хьона ер». Ший кулг яздаь, сона делар цо из. ЦIавеначул тIехьагIа из диккача хана хьалтеха даьллар редакце са хиннача кабинете.

Со Херсоне ваха везаш волга шийна дIахайча, раьза воацаш хьовзанзар редактор.

— Йоазонхой союзо Херсоне гIо йоах сога, парте обкома а хвош да из, — аьлар аз Туханага.

— Хов сона. ГIо,- аьлар Тебоевс,- цхьабакъда хьона тIадилла цхьа декхар да са. Граждански тIом болча хана, цига лаьттача къовсамашта юкъе дакъа лоацаш хиннаб вай мехкара дошлой. Музейшка гIолла хьаже а хаьтте а уж малашб тахкалахь, хьай вIаштIехьдоале, вайна цох дийя йоазув далахь.

Цо яхачоа мукъарал даь, гаьнарча мехка вахар со. Херсонерча музеера корадир сона цо тIадилла декхар кхоачашдара эша йоазош. Цига Перекоп йоаккхача, Махно керте лаьттача бандашта духьала тIом беш хиннав аьнна белгалваьккхавар гIорваьнна революционер Яндиев ЗаIам. Цох а, тхоаш хиннача Каховках а, цига тачанканна оттадаьча памятниках а йоазув дир аз. Цул совгIа, оахаш бихьар фу никъ бар, мишта яьккхар Украине яьккха ха а дийцар. Уж шеддар вIашагIтехача, юкъерча боарамагIа дIоакхоачаш статья хьахилар цох. Вешта аьлча, Тебоевс сайна тIадилла декхар аз дизза кхоачашдир. ХIаьта а духхьал из цхьа йоазув ийца духьалваха лацар сона сай сий даьча хьакима. Украинаца дувзаденна моллагIа доккха доаца цхьа совгIат да ловра цунна. Сайна зе деш, аз ийцар цо согара дIаэцарг а дацар. Дахчах хьадаь, кIаопилга хьисапе чIоагIа хоза книжка дар, тIера мужалт-ногIар догам даьча аьшкаца (чеканкаца) тоадаь. Из дала лаьрхIар аз Тухана, цун дег чу кIеззига биса а Украинах бола дагалоацам бусаргболаш. Се балха араваьннача эггара хьалхарча дийнахьа уж ши хIама – статьяи книжкеи – Iодиллар аз редактора истола тIа.

— Йоазув даь дика болх баьб Iа, вож-м ца хилча а мегаргдолаш дар. Баркал цох а, — аьлар Тебоевс. Газета аргIанарча номер тIа арадаьлар аз Херсонера дена йоазув.

Духхьал цхьан балхаца белгалвоалаш вац саг. Дуккха кхыдола гIулакхаш, моттигаш хул цун оамал, вахарцара уйла хьагойташ. Царех цхьа моттиг я нахацара гIулакх, хьоашал, доттагIал леладар. Тухана дукха безар аьнна хет сона беррига нах, хIаьта а из волча чубоагIаш, дахар-денар хоатташ, сискалах кхеташ, доттагIий бар цун. Цар а дикка бакъахьарча чулоацамах хьалдузар цун денош. Из вахача Калинина цIерагIча посёлке ваха а вахаш, Туханаца хоза гIулакх, айхха бувзамаш леладеш, вар йоазонхо Плиев Махьмад-СаIид. ДоттагIал леладарал совгIа, газета балха тIа цхьацца гIо дора цо, лоархIамерча дешашца дувзаденна йоазош деш а, царна кепа етташ а. Иштта из волча чубоагIаш бар Плиев Аьдалгире Ахьмад, Галаев Мухьмада Хьасан, Ведзижев Абабукара Ахьмад, университета доазол арахьарча меттай кафедра болхло Мальсагов Уматгире Iалихан, кхыбараш.

Мукъа ха кIезига хулар Тебоевга. МоллагIча дикача журналиста а хилац из кхы дукхагIа. ЦIагIа вале, ара вале керта чу цаI мара хилац –йоазув, йоазув, цIаькха а йоазув. Из лерттIа де дукха го баккха, вахар тахка, наьха теркам дукхагIа тIаозаргбар лаха деза. Иштта дIаух денош, бетташ, шераш. ХIаьта а наггахьа нийслу мукъа ди. Из ха а зехьа йоаяцар Тухана. Шолжа-ГIалий тIара хьалъаравоаллача, Черноречьен магIахьа, дачаш е аьнна лаьтташ деннадар газета болхлошта, цул совгIа ахчаш (ссудаш) деннадар, цига цIенош дергдолаш.

Дуккхачар хьал а дир уж. Царех бар Тухана дезал. ЦIа а даь, сомий гаьнаш а дIаегIа, баьцадаараш дIадувш хаьсаш а долаш, хоза моттиг хилар цох. Ший мукъа ха хилча цига водар дезала да, цох кIеззига салаIар хулар цунна. Иштта цунна гонахьа цIенош даьдар кхыча журналисташа а, царца вIашагIкхетараш чакхдоахар цо ше даче волча заман чухь. Тухана къонгех тхона эггара дикагIа вовзаш хиннар Жабраил вар. Цкъа-дале, из кхычарел дукхагIа воагIар оаха болх беча редакце, шозлагIа-дале, ше а вар журналисташта юкъе болх беш.Телевидене оператор вар из, стационарерча йоккхача дIа-юха лелача камер тIа болх бора цо.Цудухьа массарел гаргагIа вар тхона Жабраил.

— ЦIагIа мишта вар Тухан? – аьнна, шийга хаьттача, Жабраила аьлар:

— ЦIаккха тхога лувш оамал яцар цун. Кхыметтел хьехар а ше дицар цо тхона. Ший ала безам бар наьнага гIолла хьаоалар, из яр даьнеи тхонеи юкъе бувзам лоаттабеш хиннар.

Тебоев Тухан 1983 шера, «Сердало» газетера болх бита а бите, пенсе вода. Цхьабакъда парте обкома кепайоазонцара веррига дIахадийтац из, из хьожаву «Нохч-ГIалгIайчен кIира» яхача газета редакторалла. КIира цкъа арадувлача цу газета тIа дукхагIа хулараш яр бе-бе чулоацам бола объявленеш, телевидене передачай программа. Ше валлалца йолча хана, цу балха тIа хилар из, ший декхар цIена кхоачашдеш чакх а ваьлар. Могаш воацаш вале а, кIалвиса а метта волаш а ха яккханзар цо. 1989 шера 19 августе Тебоев Iабазбика Тухан кхелхав. Из дIавеллав Юкъерча Ачалкхе. Цхьабакъда цунца болх баьча, из вовзаш хиннача наха вицлуц гIалгIай эздий къонах, къаьна журналист, дика, догцIена саг. Вай къаман журналисташ мел болча хана, царна юкъе йоахаш а яхаш а хургья аьнна хет сона цун цIи, Мальсагов Зоврбика, Хаматханов Жабраила, Льянов Мустафай, кхычар цIерашца цхьана. Цо баьча балха мах беш, тайп-тайпарча ханашка цунна тийннад паччахьалкхен совгIаташ. Царех я «1941-1945 шерашкарча Сийлахь-боккхача тIема хана хьинаре къахьегарах» яха майдилг; «Къахьегама сийле бахьане» (1966); «Къахьегама сийле бахьане, Владимир Ильич Ленина 100 шу дизарца» яха майдилгаш. Иштта цунна еннай, «Правда» яхача газета 50 шу дизарца ювзаенна, Нохч-ГIалгIай АССР Лакхерча Совета Президиума грамота.

С. Арчаков,

йоазонхо.

Сурта тIа:

«Сердало» газета

керттера редактор

Тебоев Iабазбика Тухан редакце планерка дIахьош ва (1982 шу).

Сердало

№ 101 (11837), суббота, 15 июля 2017 года

МоллагIча сага вахаре эггара лоархIамегIеи халагIеи долча декхарех цаI да, ший къахьегама никъ хоржилга.
11.08.2017 Skforussia.Ru
Беркате никъ - СердалоМоллагIча сага вахаре эггара лоархIамегIеи халагIеи долча декхарех цаI да, ший къахьегама никъ хоржилга.
11.08.2017 Сердало
​Дика дезал – мехка ганз - Сердало1.ГIорваьнна Iилманхо, профессор ХIара шера, дешар дIадолалуш, дукхагIйолча классашка хьалхара урок хул гIалгIай метта хетаяь, укхаза дувц вай метта ширалах, цун къона йоазув кхеллача нахах, из мотт кхы тIа шаьрбеш,
13.07.2017 Сердало
Пожелавший остаться неизвестным житель Ингушетии пожертвовал более 50 тонн муки, сахара и риса малоимущим семьям республики, сообщил в субботу агентству "Интерфакс-Юг " представитель благотворительных фондов региона.
21.01.2018 IngNews.Ru
ЕВКУРОВ: Добровольчество — это когда вы там, где нужна помощь - IngNews.RuГлава Ингушетии Юнус-Бек Евкуров   в торжественной обстановке объявил об открытии в республике Года добровольца.
21.01.2018 IngNews.Ru
Усилия властей субъектов СКФО должны быть направлены на предупреждение угроз в связи с возможными протестными настроениями в преддверии президентских выборов в 2018 году, призвал полпред главы России в округе Ставрополь ,
19.01.2018 ИА Regnum
В Ингушетии начальником штаба Путина стала директор НИИ Нина Барахоева - IngNews.RuГлавой избирательного штаба Владимира Путина в Ингушетии стала директор НИИ гуманитарных наук Нина Барахоева.
19.01.2018 IngNews.Ru
Олег Орлов  считает, что корни поджога Мемориала в Ингушетии ведут в Чечню - IngNews.RuПредседатель совета правозащитного центра "Мемориал" Олег Орлов считает, что поджог офиса "Мемориала" в Ингушетии должен расследоваться как теракт, а не порча имущества из хулиганских побуждений.
18.01.2018 IngNews.Ru
В Ингушетии создана первая особо охраняемая природная территория - IngNews.RuВ Ингушетии появился первый памятник природы регионального значения: этот статус присвоен роднику, расположенному в горах Джейрахского района.
18.01.2018 IngNews.Ru
Глава региона заявил о трех версиях случившегося Магас , 18 января 2018 , 13:00 — REGNUM   В Ингушетии устанавливают причины пожара в офисе правозащитной организации «Мемориал».
18.01.2018 ИА Regnum
Обгоревший труп без вести пропавшего жителя Ингушетии обнаружили в Северной Осетии - IngNews.RuВ Северной Осетии обнаружен труп жителя Ингушетии Магомеда Маматова, который с августа прошлого года числился без вести пропавшим, сообщил агентству "Интерфакс-Юг" в среду осведомленный источник.
18.01.2018 IngNews.Ru
Офис «Мемориала» сгорел в Ингушетии - IngNews.RuВ Назрани  загорелось двухэтажное офисное здание. Об этом сообщает региональное управление МЧС.
17.01.2018 IngNews.Ru
Ингушетии достались самые большие субсидии в РФ - IngNews.RuДва субъекта Российской Федерации — Ингушетия и Карачаево-Черкесия — получат субсидии из федерального центра, значительно превышающие суммы, которые выделены другим регионам России.
17.01.2018 IngNews.Ru
Путин здоров и может дать фору многим - IngNews.RuПресс-секретарь президента России Дмитрий Песков заявил, что глава государства Владимир Путин абсолютно здоров, передает РИА «Новости».
17.01.2018 IngNews.Ru
Ежемесячное пособие на 2018 год на каждого первого новорожденного в семье до полутора лет в РИ составит 9241 рубль.
14.01.2018 IngNews.Ru
В прямом эфире в Ингушетии выберут директоров общеобразовательных организаций - IngNews.RuКонкурс будут онлайн транслировать государственная телерадиокомпания «Ингушетия» и минобрнауки РИ на своём сайте.
14.01.2018 IngNews.Ru
Делегация из 20 директоров школ Ингушетии отправится в Москву за опытом - IngNews.RuВместе с коллегами из столицы и Московской области ингушские педагоги обменяются наработками в области повышения качества учебного процесса.
14.01.2018 IngNews.Ru
Банкноты нового вида номиналами 200 и 2000 рублей поступили в Ингушетию и уже переданы в банк для перенастройки банкоматов и кассового оборудования.
14.01.2018 IngNews.Ru
Женщина, записавшая резкие критические видеообращения к главе Чечни и его матери, подтвердила свою готовность извиниться перед Кадыровым, если родственникам попавших без вести жителей Чечни вернут хотя бы их останки.
14.01.2018 IngNews.Ru
В северной осетии педофил осужден на 18 лет колонии за изнасилование падчериц - Magas.RuВ Промышленном районном суде г. Владикавказа сегодня состоялось оглашение приговора в отношении жителя республики, который обвиняется в педофилии.
21.01.2018 Magas.Ru
Жительница Ингушетии пойдет под суд за экстремизм в соцсетях - Magas.SuРегиональные следователи передали уголовное дело в отношении 52-летней местной жительницы в суд, которая пыталась разжечь вражду на фоне религии в соцсетях, сообщили в Следкоме.
20.01.2018 Magas.Su
Евкуров о пожаре в офисе центра «Мемориал»: «Уже есть три версии» - Magas.SuУ сотрудников правоохранительных органов, которые выясняют причины возгорания в офисе правозащитного центра «Мемориал» в Назрани, уже есть три версии случившегося.
20.01.2018 Magas.Su
СКР Северной Осетии устанавливает личность мужчины, обгоревший труп которого был обнаружен накануне - Ингушетия
СКР Северной Осетии устанавливает личность мужчины, обгоревший труп которого был обнаружен накануне
Следственное управление Следственного комитета России по Северной Осетии устанавливает обстоятельства и причины смерти, предположительно, Магомеда Маматова, обгоревший труп которого был обнаружен 17 января 2018 года.
Ингушетия
Евкуров выразил соболезнования в связи с трагедией в Казахстане - Ингушетия
Евкуров выразил соболезнования в связи с трагедией в Казахстане
Глава Ингушетии выразил соболезнования родным и близким погибших в результате возгорания пассажирского автобуса в Казахстане.
Ингушетия
Правоохранители Ингушетии рассматривают три версии причины пожара в офисе «Мемориала» - Ингушетия
Правоохранители Ингушетии рассматривают три версии причины пожара в офисе «Мемориала»
Архив газеты "Ингушетия" Глава Ингушетии заявил, что правоохранительные органы региона рассматривают три версии причина пожара, произошедшего в офисе филиала правозащитного центра «Мемориал» в Назрани.
Ингушетия
Мастера и ремесленники Ингушетии. Аюп Цуроев: «Душа тянулась к дереву..» - Министерство культурыЛюбители изобразительного искусства Ингушетии хорошо знают имя самобытного художника-живописца и мастера декоративно-прикладного искусства Аюпа Цуроева.
19.01.2018 Министерство культуры
Джейрахский район — туристические джунгли - ИнгушетияТурпоток в Ингушетию с 2010 года вырос в 15 раз В Ингушетии за время новогодних каникул 2018 года побывало более 5 тысяч человек.
18.01.2018 Ингушетия
Мемориальный комплекс жертвам репрессий Ингушетии объявил сбор средств в поддержку проекта «Я — очевидец» - ИнгушетияМемориальный комплекс жертвам репрессий в Назрани объявил сбор средств в поддержку проекта «Я — очевидец», сообщает пресс-служба музея.
19.01.2018 Ингушетия
В музее изобразительных искусств Ингушетии пройдет выставка воспитанников Багаудина Сагова - Ингушетия
В музее изобразительных искусств Ингушетии пройдет выставка воспитанников Багаудина Сагова
Воспитанники известного в Ингушетии и за ее пределами художника и скульптора Багаудина Сагова, готовятся к выставке, которая пройдет в Государственном музее изобразительных искусств республики, сообщает пресс-служба учреждения.
Ингушетия
Музей ансамбля «Ингушетия» откроется в Назрани - Ингушетия
Музей ансамбля «Ингушетия» откроется в Назрани
Государственный ансамбль народного танца «Ингушетия» намерен в скором времени открыть свой музей, сообщает пресс-служба творческого коллектива.
Ингушетия
УНИКАЛЬНАЯ ИНГУШЕТИЯ: Спеши увидеть и полюбить!
Мир полон удивительных мест, и многие из них находятся рядом. Ингушетия сегодня делает ставку на туризм – у республики замечательный потенциал для развития данной отрасли.
Сердало
В Назрани прошли Межклубные соревнования по смешанным боевым единоборствам - Министерство по физической культуреМежклубные соревнования по смешанным боевым единоборствам проходили во Дворце спорта «Магас» в Назрани в минувшую субботу.
21.01.2018 Министерство по физической культуре
22 января состоится открытие хоккейной академии Фетисова "Башлоам" в Магасе - Министерство по физической культуреУже завтра, 22 января в 12.00 хоккейная академия имени Фетисова в Магасе откроет свои двери.
22.01.2018 Министерство по физической культуре
Ю.Евкуров поздравил ингушских спортсменов с «золотом» на турнире по греко-римской борьбе «Иван Поддубный-2018» - Magas.SuГлава Ингушетии Юнус-Бек Евкуров поздравил спортсменов республики – Мусу Евлоева, Бекхана Оздоева и Ислама Опиева – с победой на 56-м международном турнире по греко-римской борьбе,
22.01.2018 Magas.Su
Муса Евлоев завоевал золотую медаль на международном турнире «Иван Поддубный-2018» - Ингушетия
Муса Евлоев завоевал золотую медаль на международном турнире «Иван Поддубный-2018»
Борец греко-римского стиля Муса Евлоев завоевал золотую медаль на международном турнире «Иван Поддубный-2018» в весовой категории 97 кг, взяв у Никиты Мельникова реванш за свое прошлогоднее поражение.
Ингушетия
На турнире Поддубного ингушские классики завоевали «золото» и «бронзу» - Ингушетия
На турнире Поддубного ингушские классики завоевали «золото» и «бронзу»
Представлявший Пермь ингушский борец греко-римского стиля Бекхан Оздоев стал победителем международного турнира «Иван Поддубный-2018» в весе 87 кг,
Ингушетия
Мансур-Бек Барахоев стал серебряным призером на турнире в Карачаево-Черкесии - Ингушетия
Мансур-Бек Барахоев стал серебряным призером на турнире в Карачаево-Черкесии
Ингушский спортсмен Мансур-Бек Барахоев стал серебряным призером на открытом республиканском турнире по вольной борьбе среди юношей на призы Рауля Арашукова в Карачаево-Черкесии.
Ингушетия
Пожелавший остаться неизвестным житель Ингушетии пожертвовал более 50 тонн муки, сахара и риса малоимущим семьям республики, сообщил в субботу агентству "Интерфакс-Юг " представитель благотворительных фондов региона.
21.01.2018 IngNews.Ru
В Ингушетии состоялось открытие Года добровольца - ИнгушетияГлава Ингушетии в торжественной обстановке объявил об открытии в республике Года добровольца.
20.01.2018 Ингушетия
Евкуров поручил Совбезу разобраться в ситуации с пожаром в правозащитном центре - Администрация городаСовет безопасности республики по поручению Главы Ингушетии Юнус-Бека Евкурова будет разбираться в обстоятельствах пожара, который произошел в офисе правозащитного центра «Мемориал» в Назрани,
18.01.2018 Администрация города
В период новогодних праздников Ингушетию посетили более 5 тысяч туристов - Сердало
В период новогодних праздников Ингушетию посетили более 5 тысяч туристов
Комитет Республики Ингушетия по туризму ежегодно после новогодних праздников сводит цифры с подсчетами туристов и экскурсантов, посетивших регион.
Сердало
Играй, да не заигрывайся… - Сердало
Играй, да не заигрывайся…
«Давно пора!» — такой возглас невольно напрашивается после информации о том, что Всемирная организация здравоохранения (ВОЗ) планирует официально признать зависимость от компьютерных игр психическим расстройством.
Сердало
Ю.Евкуров поздравил ингушских спортсменов с «золотом» на турнире по греко-римской борьбе «Иван Поддубный-2018» - Magas.SuГлава Ингушетии Юнус-Бек Евкуров поздравил спортсменов республики – Мусу Евлоева, Бекхана Оздоева и Ислама Опиева – с победой на 56-м международном турнире по греко-римской борьбе,
22.01.2018 Magas.Su
В Назрани прошли Межклубные соревнования по смешанным боевым единоборствам - Министерство по физической культуреМежклубные соревнования по смешанным боевым единоборствам проходили во Дворце спорта «Магас» в Назрани в минувшую субботу.
21.01.2018 Министерство по физической культуре
Агент: «Магомеда Оздоева сейчас хочет взять «Локомотив» - IngFootball.RuМосковский футбольный клуб «Локомотив» заинтересован в приобретении полузащитника казанского «Рубина» Магомеда Оздоева.
21.01.2018 IngFootball.Ru
Строительство первого альпинистского лагеря в Ингушетии начнется в 2018 году - Magas.RuСтроительство первого на территории Ингушетии альпинистского лагеря в горном Джейрахском районе республики запланировано на 2018 год.
21.01.2018 Magas.Ru
AF3I5630.jpg - Республика ИнгушетияИнгушетия стала первым субъектом РФ, на территории которого развернулась программа Года Добровольца.
21.01.2018 Республика Ингушетия