Новости города БезФормата.Ru
Магас
Главные новости
 
Задать вопрос?

​Къахьегамхой пхьоалле

​Къахьегамхой пхьоалле - Сердало
​Къахьегамхой пхьоалле - Сердало
Фото: serdalo.ru


(Наьсарерча завода 55 шу дизарга)

Укх шера 55 шу дуз вай мехка эггара йоккхагIйола болхлой пхьоалле хьаяь. Хетаргахьа, дерригача дунен тIа а наггахьа предприяти хуле тамаш я, бIарчча роман хетаяь, документальни фильм даьккха, мемуарий массехк книжка тIа ювцаш, иштта ювццал дукха хIама шийца дувзаденна йолаш. Вай бувцача къахьегама кхуврча хетадаь да из шедола хIама: Мальсагов Шимоахий Ахьмада язъяь «Даим хало ловш вола саг» яха роман, Мальсагов Арсмака яздаь «Хиннари вахари», Тимурзиев Башира «Сопроматах йола экзамен» яха книжкаш. ХIанз оаш кхетадаь хургда аьнна хет сона, малагIа предприяти я укхаза хьехаер. Нийса да, из я Наьсарера «ВИЛС» оала завод. Тахан иштта я цун цIи. Бакъда, со зIамига волча хана, кхыча тайпара яр, цох оалар ГI. Ахриева цIерагIа «Электроинструмент» яха завод. Айса ер яздеча хана, духьалъух сона гаьнарча шерашка хинна сурташ. Iуйрийна бархI сахьат дала массехк минот эшача хана, гIалий тIа мел дола адам завод йолчахьа дIадода аьле хеталора. Хьаллара-Iоара, массадолча урамашкара, йIаьха тIIирг йий, шоай балха моттигаш йолчахьа болхаш хулар къоаналгахьа леста нах, кагий нах, мехкарий. Царна юкъе бар вахара халонаш лайнараш, тIемашка дакъа лаьцараш, Сибре, цун Iазап дайзараш. ХIаьта а Iуйре тIаеча, уж берригаш цхьа цIай дезде арабаьнна болхаш санна хеталора. ДIауйла йича, царна да а дар из доккха цIай. Сел дукха ха яцар вай къамо нийса ахаш хIана бац аьнна нах Казахстана, Киргизе, кхыча республикай лаьттах дIабехка. Уж дукхагIбараш хьабе болх боацаш, яа сискал йоацаш, шелал, моцал байнабар. Из йоккха сагото тIера дIа а яьнна, юха шоай мехка хьаьнала къахьегаш, дезалаш кхебе овттар – из деций цIай? Духхьал гIашлой хинна ца Iеш, укхаза тIаухар болхлоех етта автобусаш. Уж массайолча юрташкара йоагIаш мо хеталора Iуйрани сарахьеи завода юхе нийсвеннача сага. МугIараш дий, тай техача санна нийсйий латташ хулар уж, шоай цIабига безача нахага хьежаш. Белар, сакъердаме къамаьлаш, вахарах йола дегагIоз хозар бIарчча дийнахьа къахьийга, шоай смена дIаенна цIаболхарий оазашцара. Царна юкъе бар тIема доакъашхой Ганиев (Арчаков) Берс, Имагожев Iалаудин, тIехьагIо СССР, Нохч-ГIалгIай республикан Лакхехьарча Совета депутаташ хургбола Дзормотов Муса, Котиев Ахьмад, ВЛКСМ ХIХ съезда делегат Ториев Бахьаудин, ВЛКСМ ЦК «Говзанч-дошо кулгаш» яха знак енна Халгуев ТIахIир, кхы дуккхабараш.

Завод йилла йолаяьй, кховзткълагIа шераш тIакхоачача хана. Наьсарен малхбузен оагIорахьа (цу хана цига кхыметтел Iам бацар, коартолий кхаши учхози мара), хьалъе лаьрхIадар из. ДагадоагIа сона, Муталиев Мухьмад яхаш журналист вар районни газете болх беш (хIанз дикка ха я из воаца), цо оалар: «Завод еш латтача хана, цунна хьалхашкахьарча оагIорахьа дукха хьажкIий кхаш дар. ПIелг мо хьалъэттача цу гIадамех, балха чудоагIаш дола адамаш да аьле мотталора сона». ТIехьагIа иштта хила а хилар из. Кхаь сменах болх беш йолча, дуне миссел йоккхача, машинаш хьаеча заводе къахьегаш эзараш тайп-тайпарча къамех бола нах бар. Царна юкъе бар эрсий, татрий, нохчий, гуржий, гIалгIай, хIирий, иштта кхыбараш а. Эггара чIоагIагIа лоархIаш, сий деш, цунца эздел кхоабаш хиннача нахах вар цун къона директор Мальсагов Арсмака Арсмак. Укхаза кхачале цун хиннача вахарах лаьца, массехк дош аргда вай.

Къам Сибре дигача хана, Казахстана доазон тIа хиннача Петропавловскерча сайранарча школе итт класс йоаккх Мальсаговс. 1951 шера толамца дийше воал кемаш деча промышленноста чуйоагIача механически техникуме. Цигара из хьожаву кемаш деча эшаш бола говзанчаш кийчбеча Ленинградерча институте. Амма, мехках баьхача нахах хиларах, дIаэцац. Дешанза Iергвоацаш волча гIалгIай зIамигача сагах, дукха ха ялале Алма-Атерча юртбоахама института студент хул. Цу балхаца дукха дог дIаувш воацандаь, шоллагIча курсера ший каьхаташ хьа а ийце, Омске вода Мальсагов. Машинаш еча институте дIаотт. 1958 шера из чакх а яьккхе, инженер-механик хул цох. Къахьегама никъ дIаболабу Шолжа-ГIалий тIарча «Красный молот» оалача заводе. ХIаьта 1959 шера Наьсаре хьае йолаяьча завода кулгал де оттаву. Ше цига къа мел хьегача юкъа (1978 шерга кхаччалца), болхлой бокъонаш лораеш, цар аьттув баргбар деш, чакх а ваьннав.

Духхьал завода пенаш хьалдича доалаш дацар гIулакх. ДIа а айтта, чоалхнеча станокаш тIа къахьега ховргдола болхлой кийча хила безар. Цу гIулакха ши тоаба йода Россе тайп-тайпарча регионашка, хургйола балха говзалаш Iомае. Ростове болхарашта хьалхаваьлар Арчаков Къамбулат; Выборге болхарашца воккхагIал леладеш, Тимурзиев Башир вар. Хьахулаш йоагIар гIалгIай къаман болхлой класс. ХIанзалца лаьттан тIа ялаташ кхеде, жа-доахан леладе мара ховш ца хинна кагий нах, мехкарий дунен тIа чоалхнегIйола машенаш караерзаеш бар. Кастта, къахьегама сий лорадеш, говзаме хьадаь бурош арахеца дезар цар. ХIаьта цига гIалаташ де йиш яцар.Завод хьалъеча дакъа лоацаш бар Москвера, Ленинградера, Ростовера, Вильнюсера, Выборгера, Ярославлера, кхыча моттигашкара болхлой а инженераш а. Лоацца аьлча, къамашта юкъера доттагIал, барт-цхьоагIо хьахьокхаш йола гIишло яр еш хиннар. Хетаргахьа, цудухьа яздаьдар керттерча цун цIен тIа: «СССР къамий доттагIал дохаргдоацаш да!»-яха дешаш.

1962 шера, балха юхьиг дIа а йолаеш, заводе хьаду С-455 оала токаца лела бурош. Цу ханах лоархI предприяти хьаяь шу. ДIахо дIайодача хана, цо арахецача хIамай цIераш дукхагIа хул: токаца лела инструменташ; итт тайпара хIама тоадеш, шаьрдеш йола машенаш; боахаме а вахача-лелача а эша товараш; СО-106, СО-107 яха тхов туллача гIо ду машенаш, кхы дIахо. Цун доалахьара лаьтта 16,7 кв.м., вешта аьлча, 8 гектарага дIакхоачар.Тайп-тайпарча цехашка кхаь сменах къахьегаш вар 1700 саг. Цахаддаш болх бора сборочни, механически, литейни, инструментальни цехаша. ТIехьагIа хьатIаю СОМ, спеццех оалараш. Хьаде доладу кхыметтел тIема герзаш. Царех дар вай «лимонкаш» оалача дIандаргий тIера аьшка гомаш. Завод вай мехка мел накъайоал, цо фу пайда бу ховргдар цкъа мукъагIа цун наIарга нийсвеннача сага. Йоккха стенд яр управленена хьалхашка: заводагара гизгий мазаш санна дIа-юха долхар из кхыча, доазол арахьарча, мехкашца ювзаш дола такаш. Цох ха йиш яр укхаза хьаю хIамаш дунен 33 мехко эцаш а царна чIоаггIа эшаш а хилар. Цунга хьежжа дар завода ший а цун тхов кIалха болх беча наьха а вахар.ВIалла цига болх ца беча наха а чIоагIа накъайоалар из. МоллагIа насос, хьайра, машенах йоалла, трактора эша оатхал ехача; хIанз мо атта дацар базар тIара е тика чура из эца.Уж хулаш а яцар цу заман чухь. Цу тайпара моттиг нийсъенна саг эггара хьалха заводе водар, гIо деха дагахьа. Цун юхь а йора, шоашта могачох эшаш йола деталь хьайора, хIаьта, из ехачул дикагIа хулаш, моттигаш нийслора цкъаза. Хий ийккхача-м дукха сагота хила везацар, из ийккха моттиг хьаахка моге, заводе балха волча моллагIча сага цу сахьате аьшках хоамат хьа а йий, эззе дIакъовлар тIоадал тIаювла моттиг. Массанена аьттув болаш, массанега цун дика кхоачаш дар Ахриев ГIапура цIерагIа йола завод Наьсаре хилар. Воккхача революционера, къеча наьха паргIато яккха гIерташ лийнача денал долча гIалгIачун цIи лелайора цо.

МалагIа дикаш дар цо наха дахьаш хиннараш? Эггара хьалха белгалдаккха деза, цо дуккхача дезалашта яа сискал луш хиннилга. Духхьал тха цIагIара, вешта аьлча, согара дIа мел ийккхар цу заводе болх беш хиннав: нана, воккхагIвола ши воша. Механически цеха станока тIа электрически бурошта эша оатхалаш хьаеш хиннай нана, ткъо шу совгIа йолча хана. Даим кулгаш лела дезаш, бIарг тIера ца боаккхаш хьежа езаш, бархI сахьата хайна Iе езаш, бар цун къахьегам. Балха халонна цамогаш хулаш, кулгаш лазаш, бийсан наб ца юлуш, ха йоагIар цунга.Цкъаза лорий машен еха езаш а моттигаш хулар.ХIаьта а цу балхага яьнна, дика хьабеш чакхъяьлар из, пенсе яха ха тIаотталца. Каст-каста телар цунна совгIаташ, дика болх барах белгалйоахар. Массайттаза елар цунна «Коммунистически къахьегама ударник» яха вымпел, кхыдола совгIаташ. Цо хьегача къих хьахулаш дола дикаш тхога а кхоачар. Ахкан зама тIаеча цаI-шиъ, мах боацаш, е ах мах мара бала ца безаш, салоIача лагере даха путёвкаш телар. Сона дагадоагIа, иштта еннача путёвкаех се шозза Чижки яхача нохчий юрта салоIаш хинна. Цига яр «Зорька», «Лоаман фо» яха пионерски лагераш. Иштта тхоца хулар завода кхыча болхлой бераш а. Болх барах тела алапеш а лакха хулар цига къахьегарий. Республикански газета воккхагIволча корреспондента алапи 130 сом долча хана, завода болхлойдар 250 – 300-га дIакхоачар. Цу хана из дика ахча дар.

ВоккхагIвола са ши воша а цхьан юкъа цига болх беш хилар. Шлифовщикаш бар уж. Кхесташ латтача чарха тIа дIахьакха безар шпиндель (из а сверлилка цхьа дакъа да), кулгаш даим тIаьдача дахка дезаш хулар, дIахьокхаш латтача оатхала лакхера IотIаухар хий. Лоацца аьлча, атта болх бацар, цунга хьежжа дар цох хьалуш хиннар а.

Наьсархой берашта, хетаргахьа, боккхагIчарел а дукхагIа езар завод. Цун ший бахьанаш дар. Эггара хьалха царех дар, заводе подшипникаш хилар. Уж зIамига а йоккха а – тайп-тайпара яр. Хьо дIа мел хьежача, бераша хехкаш дахчан самокаташ хулар, шоаш цIагIа хьаяь. Уж хьае дукха хала яцар, чархашта эшача тайпара подшипникаш заводера хьаеча. ХIанз санна паргIата тикашка йохкаш хилацар самокаташ, цул совгIа дуккхачар таро а яцар ахча денна уж эца. Завод сайна мишта накъаяьлар, дувцаргда аз шоана цхьан масала кIийлен тIа. Наьсаре Iам хьабаь дукха ха яцар. Кхыча берашца берда йисте лувчаш воаллар со. Аьтта кога голал лохагIа аьшкасаьрг хьахьокхабелча санна лозавир со. Сихха хьал а ваьнна, со IотIахьежача, лазар даьча моттигера Iоуллаш дулха чIегилги Iоухаш цIийи дар. ХIаьта а веха, кегавенна хьовзанзар со. Сиха сай коч хьатIайийха, цIе лар ийца, чуведар со завода хьалха гIолла тIехбоалача новкъа. Ваха, завода медпункте (арахьара чуваха ниI яр цун) чуийккхар. «Хьо завода болхло вац, поликлинике хьалгIо,»- аьлча доалаш дар медсестрай а цигарча лора а гIулакх.Бакъда цар из аланзар, со безаме, къахеташ тIаийцар цар. Чов дIайийхкар, амма из сево яьй ханзар царна а. Иштта моттигаш дукха нийслора берий вахаре. Кинофильмаш а хьокхар царна лаьрхIа завода актови зале, концерташ хулар. Тахан мо дагадоагIа, се цига «Генералы песчаных карьер» яхача кинофильмага хьежа, В.Дагаевс, С.Магомедовс, М.Буркаевс дIаоалача иллешка ладувгIа иха. Берий йоакхо чIоагIа ечох тара бар завода кулгалхой. Цкъа догIан кIал нийсвелар со, сайцарча новкъосташца. Гаьна йоацаш яр «Фаьлг» яха берий беш. Кхоален хьисапе бераш ловзаш моттиг яр цун. ДогIах кIалхардовла дагахьа, цунна кIаллийлхар тхо. Мишта яхар ца ховш дIаяхар оаха цига яьккха ха. Отара пенаш тIа бе-беча фаьлгашкара сурташ дар. Царга тхо хьежаш даггIаше а, догIа сецар. Вешта аьлча, шоаш ду хIама лаьрххIа деш оамал яр завода кулгалхой.

Болх беча наьха гIулакхага-м шозза дукхагIа, дикагIа хьожар укхаза. Тухан ваха моттиг оалаш, цхьа хьун юкъ яр Наьсарен малхбузен оагIорахьа. Цига, гобаьккха сетка теха, ардакхех даь латташ цIалг дар, коа аьхки лувчаш бассейн бар. Из цаI мара моттиг яцар вайцига бассейн болаш, цудухьа бераш а кагий нах а цига лувча ловш хулар. Из моттиг лорае дIаеннаяр Барахоев Султангирега, из вовзараша, цунга дехар а дийя, сакъердар завода профилакторе коа. Накъайоалар из районе баьхка хьаьший тIаэцаш а, царга салаIийта дагахьа цига кхувлар уж. Концерт дахьаш наьсархой болча веча, Эсамбаев Махьмуд а ший новкъосташца-гIалгIашца цига шу дуаш хулар. Цу тайпарча моттиге нийсвелар цкъа со а, редакцера командировке вайта волаш. Ювцача профилакторел совгIа, завода салоIа фусам яр, республике эггара хозагIа, фо цIенагIа долча моттиге. Цхьан хана М.Калинина дача хинна Iарамхера цIа а завода болхлошта дIаденнадар, цига унахцIено чIоагIъе ухаргболаш.

Хьагучча тайпара, завода кулгалхоша болх бара нийса терко еш хиннар наьха унахцIено лораяр дар. Могаш воацача сагах фу болхло хургва? Из кхетадора хьакимаша. Къаьстта дувца безам ба са цун хиннача медпунктах лаьца. ЙIаьхха, сатийна уйче яр. ЧугIолла волавелча –цаI, шиъ, кхоъ… — духьалъувттар ший тайпара йоазош даь наIараш. «Терапевт», «Царгий лор», «Физиотерапе кабинет»… Больница а кхыметтел поликлиника а яцар из. Цу чу яр «Электроинструмент» завода лорий пункт. Завод хьаяьча хьалхарча деношка денз, цун оагIув хьаллоацаш, гIо деш хьайоагIача цу чу къахьегаш бар лорий болх дика ховш бола нах: терапевт Вышегурова Мадина, царгий лор Ужахов Iийса, зIамагIбола медицински болхлой Гизатулина Раиса, Абадиева Мадина, Кациева Люба, кхыбараш. Ялх сагах латта лорий пункт болх беш яр предприятерча нахах цхьаккха тайпа у ца кхетийта, кхийттар сиха верзаве гIерташ.Цу гIулакха оттаяь, республикански больницан керттерча лора Къ.Ужаховс, тIехьагIо завода директор хиннача Х. Тамасхановс кулгаш яздаь, «УнахцIено» яхаш программа яр.Со цига хиннача шера цхьан октябрь бетта унахцIенон пункте дарба деш хиннавар 404 саг, итт бетта хиннараш дIалаьрхIча уж 3590 вар. Дукха нах ба уж. ХалагIа лазараш дола нах курорташка, санаторешка ухийтар. Духхьал шин шера иштта салеIараш 150 саг вар. Кхыметтел пенашта хьокха басараш сийрдагIдараш хьакха гIертар кулгалхой, хIана аьлча гонахьарча басараша а балха толамга вугаш, хьинар совдоаккхаш, дог айдеш хул.Ший экстросенс Белхароев а лелавора заводо. Лорий бехках доацаш, цхьацца кхоачамбоацараш-м хулар укхаза. Таацар молхаш, эша прибораш а кхыдола гIирсаш а. Уж дехача тоаде саг коравагIацар, иштта кхыдараш.

Балха воаллача сага ший ханнахаьа, чам болаш, хIама даар лоархIаме да. Шиъ столови яр завода доалахьа. ЦаI цун доазол арахьа яр, моллагIча сага хIама даа йиш йолаш, шоллагIъяр — завода доазон тIа. Лоацца аьлча, болх дикагIа дIабахийта безам бале, къахьегача сага хьашташка хьажа веза эггара хьалха.Нагахьа санна из наб йинза, лерттIа хIама даанза вале, цун болх дIагIоргбац. Цудухьа хьожар завод шийна карабеннача нахага, хьажа хьакъ долчча тайпара.

Къаьстта хоза дагалоацам санна са дег чу йисай заводаца ювзаенна цхьаькха цхьа моттиг. ХIара бIаьсти хьа мел йоалача хана, из езаш болча наха дIае беш лора Наьсаре эггара дикагIдолча, беркатех долча лаьттан тIара. Уж хьаенначул тIехьагIа, мукъача-салоIача дийнахьа еррига предприяти кхай тIа я аргдар из сурт дайнача сага. Наха дикка новкъостал хулар цох а, хIана аьлча цар дезалашта Iанна яа коартол, хьажкIа, кхеж, хох, керда даа хоарсам, кхыдола баьцадараш лора цу лаьтто. ХIанз а дагабоагIа сона тхоай нанас бешамаш дIаювш боахк яхаш бийца болхлой. Кхашка хулар Таутиев Руслана, Экажев Яхььяй, Тумгоев Мухьмада, Сагова Рукъе, Измайлов Мусай, кхы дуккхачар дезалаш. Еррига аре къоарзйора цар тайп-тайпарча дувхараша. Иштта вIашагIкхетар уж гуйре тIаеча а. БIарчча аьхки кхедаьчо дегаш хьестар къахьийгача адамий.

Духхьал завода пенашка цар йоаккха ха, мел эшача хьалашца Iалашъяь ца Iеш, болхлой а цар дезалаш а фусамашца паргIатбахара гIулакх а дар чIоаггIа теркалде дезаш. Республике цIаккха хиннаяц, хетаргахьа, хуле тамаш а я наьха вахарга-леларга иштта дика хьожаш хинна предприяти. ХIанз вай И.Базоркина цIерагIара бульвар я оалаш йола моттиг, канала йистера Iойолаенна Барта майдан тIа IотIаотталца, яьсса хинна дагадоагIа сона. Завод болх бе йолаелча, фаьлгашка дувцача тайпара сиха хьалде доладир цига пхезза вIаштIардаь цIенош. ХIара кхо шу мел доал 65 квартира чуйола цхьацца цIа дора завода низаца. Лакхе хьоахаваьча Арчаков Жабраила Къамбулата дезала квартира елар хIаьтта хьадаьча цIагIа. Цул тIехьагIа, вIаший тIехь-тIехьа догIаш, пхиъ цIа IодегIар. Цар чу бахар хьакимаш а мугIарера болхлой а, директор ше а ваьхар цхьан юкъа балхара хьаеннача фусаме. Цул совгIа, квартире вахар директора заместитель хинна Албогчиев Ахьмад, конструкторски бюро болх баь Зурабов Мухьмад, участкай начальникаш, мастераш, бухгалтераш, иштта кхыбараш. Цхьабакъда квартира яккхара дика болх бе безар, белггалара толамаш даха дезар. Сона дагадоагIа, мел хоза дезал бар Султыгов Шимоахийи Насапханеи бараш.Мара а сесага а заводе болх бора, къаьстта а Насапхана коталонаш йоахар бе-беча къахьегама яхьашка. Из яр коммунистически къахьегама ударник, Нохч-ГIалгIай АССР Лакхехьарча Совета депутат, СССР профсоюзий ХVII съезда делегат, дикагIйола слесарь-сборщица. Мишта лургьяц тIаккха цу тайпарча дезала баха фусам?! Цу тайпара вар ала доагIа, Къахьегама ЦIеча Байракха орден енна, республикан Лакхехьарча Совета депутат, Нохч-ГIалгIайчен заслуженни машенашъер, слесарь-лекальщик Котиев Ахьмад.

Дувцача цIеношка бахаш а заводе болх беш а бар интернациональни дезалаш а. Царех бар Мальсагов Гараха дезал. Из цIи цох йоагIаш тиллаяр аьнна хет сона, хIана аьлча ва а вар из лоам санна лакха а шийх шиш байташ а саг. «Даим хало ловш вола саг» яхача романа тIа Алим-Гора яхаш вувц из. Цун сесаг къамах гурже яр.

Ха дIайода, болхлой къалу, керда низаш, къона специалисташ эшаш хул моллагIча къахьегама коллективе. Уж шо-шоаш хьахулаш бац. Кхебе, Iомабе, кечбе беза уж. Из моттиг а йицъяьяцар цу ханарча хьакимаша. Зовода юххе, цох оагIув теха, хьалъяьяр ГПТУ-14 оалаш хинна училище. Цига дика дийша, балха говзалаш караерзаяь бола кагий нахи мехкарийи балхаш тIа хьежабора гIоръяьннача предприяте.Слесараш, токараш, сварщикаш, кхыбола болхлой кийчбора цун тхов кIалха, ший хана сий долаш а яр. Бакъда ха дIа мел йода, завода гIулакхаш кIал мел дус, училищен гIулакхаш а мелделар. Дайра заводаи училищени юкъе хинна бувзамаш. 1994 шера дар из. Ювцача дешара моттига директорца М-Б. Цароевца къамаьл деш, аз хаьттар:

— Сона дагадоагIа, хьалха ГI. Ахриева цIерагIча «Электроинструмент» завода, юртбоахама, автотранспорта предприятешта чIоагIа эшаш бола болхлой кийчбора училище…

Са ха безам бар фуд хайна, укх тайпара жоп делар Мухьмад-Башира:

-Тахан тхо долча дешаш ба хургбола газоэлетросварщикаш, шофёраш, мастераш-гIишлонхой. 1990 шерага кхаччалца заводо, АТП-ес, кхыча предприятеша заявкаш а телаш, кийчбора оаха болхлой. Цул тIехьагIа завода директора каьхат дайтар, дийша баьнна нах балха дIаоттабе а кхыметтел практика чакхъяккха а шоаш болча моттиг яц, аьнна…

ХIаьта а белгалдаккха деза, итташ шерашка цу училищено завода чIоаггIа эшаш бола болхлой кхебаьлга а коллектив даим къона лоаттае гIо даьлга а.

Шоай хана дукха хьаькъал долча, мехка накъабаьннача наха вахара никъ дIаболабаь моттиг я «Электроинструмент» яха завод. Цун директор волаш къахьега волавенна Мальсагов Арсмак Нохч-ГIалгIай Министрий Совета Госплана председатель хилар.

1972 шера завода къахьегама гимнастиках вола методист волаш, болх бе дIаволавеннавар Мерешков Яхьья.Цигарча подвала чу хьайир цо самбох йола секци. КIалбилла массехк мотт хиларал совгIа, кхы хIама дацар цунга а цо Iомабеча кхувшбоагIарашка а.Тренеровке хинна цIаводаш хилча, лергий йовхашка дом уллаш хулар. Берашка спортивни гIирс бацар. Нахагара курткаш а ехаш, ухар яхьашка болхаш хилча. ТIехьагIо укхаза хьаю ГI.Ахриева цIерагIа Ерригсоюзни турнир. Цунна юкъе дакъа лоацаш хулар Черсий-Балкхарой, ДаьгIастен, Къилбаседа ХIирий, ГIалмакхий республикашкара, Пензера, кхычахьара спортсменаш. Дукха ха ялале, кхувшбоагIарий командашта юкъе толашагIчарех цаI яр Мерешкова команда. «Олимпийски сатувсилга» яхача Ерригсоюзни турнира итт чемпионах, ворхI вайцигара вар.

Итт шера заводе болх баьчул тIехьагIа,1982 шера Алма-Ате ваха а къахьега а дIавахар из. Ах шера къахьийгача, Казахстана дзюдох йолча вIашагIтехача команда тренер ву цох.Цига болх беча юкъа 12 гIалгIачох мехка чемпионаш, Кайрат Масымбековх СССР халкъий спартакиада чемпион, Хамхоев Iаьлах Европа кагийча наха юкъера чемпион ву цо. Спорта мастераш хул Вышегуров ИсмаIалах, Кодзоев Жабраилах, Леймоев Iалиханах, Камурзоев Мухьмадах. Белгалдаккха деза Европа чемпион Парчиев Мухьмад а цо кхеваьлга. 1983 шера Мершков Яхььяйна лу «Казахски ССР заслуженни тренер» яха цIи.

Завода цехашка ший къахьегама никъ дIаболабаь вар Дахкильгов Борис. Цига болх бешше, Наьсарен района футбольни командаца ловзаш вар из. ТIехьагIо цу команда капитан хул Борисах. Районерча кагирхошта эггара дукхагIа безаш хиннача нахах цаI вар из ший хана. Цул тIехьагIа цох хул спортахи физкультурахи йолча райсовета председатель. Конструкторски бюро болх баьча Зурабов Мухьмадах Наьсарен райисполкома председатель хул.Укхаза мугIарера болхло хила дагахьа училище яьккхача Сагов Мурадах, «Вайнах» яхача халхара ансамбла артист, цул тIехьагIа Къилбаседа ХIирийчен заслуженни артист, «Алан» яхача халхара Паччахьалкхен ансамбла доакъашхо хул.Шлифовщик хиннача Арчаков Мусайх Президента Аушев Руслана водитель хул. Иштта кхыйолча халкъа боахама моттигашка накъабоал заводе кхийна, чIоагIбенна бола нах. Цхьаькха цхьа зIамига саг (М.Торшхоев) хьоахаве безам ба са, наха дувцаш хазар мара, из бокъонца хиннадий хац сона, цо даьчох зулам а лаьрхIа, из набахта воаллаваьв. Сона хеташ, хьаькъал долаш зIамига саг хиннав из. Цо, ше балха волаш, цхьацца деталь хьа а еш, хIанзалца вай мехка ца хиннача тайпара зIамига автомат (герз) хьаяь хиннай. Иштта хIама хьае говзал йолча кагийча наха, сога хаьттача, моллагIа чоалхне оатхал а хьаергьяр. Вай мехкарча кхыча городашка санна, герзаш хьадеш йола завод, е легковой машенаш вIашагIъехкаш йола предприяти хьае мегаций Наьсаре? Хьайича наха сискал яа моттигаш-м хургьяр. Зуламаш а кIезигагIа хургдар, хIана аьлча балха волча сага дог мича доагIа ийрча гIулакхаш леладе. ХIаьта а заводе нийслора кулга цIена боаца нах а. Дукха мах болаш, эца хьа ца кхоачаш а ма дарий цу чу хьадеш хинна бурош. НаIарах а ниI йоацача гIолла а уж арадаха гIертараш а нийслора. Царца къовсам лоаттабеш бар завода хаьхой а царна керте латта Оздоев Дауд а. Шоай декхараш цар цIена кхоачашдарах, дукха зе ца хулаш дисар предприятена.

Завода тхов кIалха кхийнабар кхыметтел йоазонхой а. Таханарча дийнахьа вай литературе дика йовзаш я Тимурзиев Баширеи Чапанов Ахьмадеи цIераш. Башир Йоазонхой союза доакъашхо ва. Завод хьайийллача хана денз, цу чу къахьегаш дукха шераш дIаденна саг а ва. Тахан Башира 82 шу даьннад. Тимурзиевс яздаьд «Денал», «Сопроматах йола экзамен», «ГIалаш вайга хьежаш я», «БIехдаланза дола сий» яха а кхыдола а книжкаш. Цар тIа я повесташ, дувцараш, очеркаш, стихотворенаш, поэмаш. Ше болх баьча моттига хетаяь а я царех цхьаяраш, масала, «Электроинструмент» завода йола реквием». Берашта хетадаь дола йоазош а кхеллад цо.

Тимурзиев Башир санна школе Iомадеча книжкаш тIа волаш, наха дукха везаш, поэт хиннав Чапанов Ахьмад а. Ювцача заводе хьалхарчарца цхьана къахьега волавеннарех хиннав Галашкара зIамига саг. Цо балха говзал Iомаь хиннай Выборге. Участка, цеха начальник волаш, конструкторске бюро къахьегаш чакхваьннав из, завод болх беш а низ болаш а мел йолча хана. Дика поэт а хиннав Чапанов Ахьмад. Карарча хана школашка 8, 9 классашка дешаш долча берашта хоза хет цо язъяь байташ. Ший мохк дукха безаш, из цхьанна хIаманца хувцаргбоацаш саг хиннав из. Геттара дика гучадоал из «Баппа» яхача цун стихотворенега гIолла. Цунцара массехк мугI боалабе безам бар са, дувцар кхы тIа а чIоагIдеш:

«Езац Ази е Европа:

Даьхел хозагIа дац цхьа лаьтта,

БIаьсти баь тIа хьахул баппаш,

Герга кийнаш техка латташ.

Баппа, баппа, бIаь баппа,

Халхадовла, ала: «Оппа!»

Тхоай баь тIара дайга баппа,

ДукхагIа деза хьол, Европа…»

Хьаьша лоархIаш, чувенача сага сий деш бар завода кулгалхой. ДагадоагIа сона, 80-гIа шераш юкъекхаьчача хана дар из. РФ заслуженни артист, иллиалархо, поэт, композитор хинна Хамхоев Элмарзий Ахьмади поэт санна кхувш воагIаш вола сои – тхо шиъ дахар болхлошта тхоай байташ еша. Профсоюзни организацена кулгал деш хиннача Местоев Хьасана безаме тIа а ийца, тха таро хилар бихьа никъ бизза кхоачашбе. Ахьмада а сона а хоза хийтар иштта тхоаш теркалдар, литература дезаш цигара нах хилар.Культуран болхлой каст-каста ухар заводе хьоашалгIа.Цхьайолча хана ерригача района хетаяь йола кхетаченаш, сайренаш, вIашагIкхетараш чакхдоахар укхаза. Цун пенашта хезаяр иллиалархой оазаш; цун сцена тIа халхабийннабар цIихеза халхарчаш; лекцеш йийшаяр Iилманхоша, къамаьлаш даьдар йоазонхоша.Цу дерригача хIамаша бакъахьарча чулоацамца хьалдузар болхлой вахар, духхьал цар вахар диза ца Iеш, наьсарерча дуккхача кхувш доагIача берий а кагийча наьха а вахар. ХIана аьлча цу тайпарча вIашагIкхетарашка дакъа лоацаш хулар пэтэушникаш, заводской районе бахача наьха бераш.

Зама массаза цхьан апарах лелаш хилац. Цкъаза доккхий хувцамаш а хул цунна юкъе. ЧIоагIа эргадаьлар вай мехкара Iаьдал, наьха а къахьегама коллективай а вахар. Доладелар къоалаш, заводо хьаяь продукци, дIа ца йоалаш, складашка латта юсар. Хозаш дар перестройка, приватизаци.Иштта кхаьчар завод 2000-ча шера акционерашка. ЦIи тиллар ООО «Дайгача аьшкий «ВИЛС» яха завод» аьнна. Хьалха хинначох дукха хIама дисадац укхаза. Завода доалара дIаяьннай дуккха объекташ: столови, берий беш, профилакторий, салоIа цIа. Завода хIанзарча директора Тумгоев Хьусена яхачох, уж шейяр царга хьакхаьчаяц, Аушев Р. президент волча хана, заводацара дIакъоастаяь, ехкай.

Цехаш дукхагIъяраш яьсса латт. Тахан заводе 11 цех я, болх бераш 4-5 мара яц. Хьалха санна эзараш болхлой лелабе низ бац предприяте. Верригаш 60 саг мара висавац уж. Бакъдар аьлча, дукха болхлой эшаш яц укхаза таханарча дийнахьа хьаеш йола хIамаш. Хьалха хьа мел еш хиннараш хIанз йолаш яц.Цехашка бе безача балхах хьабер 10 процент мара бац. Шера 22 миллион чIоаггIа эшаш дола электричествос леладу гIирсаш хьадеш хиннача заводах хьахиннай, дукха доаца вахача-лелача эшаш дола гIирсаш хьаду мугIарера къахьегама пхьоалле. Уж а заказах хьадеш да. Завода цехашка гIолла волавелар со. Хьалха, геттара цун хIама тоаденнача хана а, дуккхаза хила вийзавар са цар чу. Бакъда хIанз, къабенна, букарбийрза, болх хьабе ца могаш болча боккхийча нахах тара латтар итташ йола, цхьан хана еррига район кхаьба станокаш. №5 аьнна яздаьча цехе чувахар со. ДIачувоаллача аьтта оагIорахьа, цхьан станока тIа болх беш воаллар къоаналгахьа леста саг. Со бIаргавайна, болх соцабир цо. Токарь Дугиев Iийса вар из. 1972 шера денз укх предприяте къахьегаш хиннав Iийса.ХIанз а ва укхаза болх беш. ХьадоагIар-м, бакъдар аьлча, укх тайпарча заводе болх беча сага хила доагIа алапи дац.

— Итт бIаь тума эц-кх аз,- йоах цо. ЧIоагIа раьза вац из, иштта мара теркам ца беш, завод латтийтача хьакимашта. -Ер санна йола заводаш хиннай Буро тIа, Ростове, кхычахьа. Хьажал цар ютий иштта кхом боацаш? Сона-м хац вайна фу даьд…

Кхы а дукха дар Iийсас дийцараш. Дерригаш дIадийцача, хьакимашта деза ца дала тарлу. Цу хьакъехьа Хьусена аьлар:

ЭгIахьа деш дола чIоагIа таташ хезе, дIахобу аз сай никъ. Со бIаргавайча, болхлошта юкъера хьа а къаьста, сона тIавера моцагIа денз вовзаш вола зIамига саг Орцханов Исраил. Дахар-денар хаьттачул тIехьагIа, цо дийцар шоаш фу болх беш ба.

— ЦIенош тIа етта профиль хьаю оаха, цул совгIа пластикови корашта каркасаш а ю аьшках,- йоах Исраила.

— ХIама хьадоагIий шоана? — аьнна хаьттача, кхы дукха латкъаш вацар наьсархо. Хьагучох, цар хьадераш да наха эшаш, къердаш дола хIамаш.

Иштта заводе хьаду хьастамаш, ведараш, коанаIараш, карташ, аьшка листаш, пластиках даь кораш, наIараш, контейнераш. ХIаьта заводо чIоаггIа гIо дир хIирашкахьара, нохчашкахьара беха баьхкача наха чуIе вагончикаш хьаеш, кхыдола гIо-новкъостал деш.Цул совгIа заводо новкъостал ду тайп-тайпара предприятеш хьаеш хилча, цар чухьенашка хила деза гIирсаш дIаоттадеш, кхы дIахо а. Управлени чухиннача вIаштIардаьча цIеной цхьан этажа тIа мара бац предприяте хьакимаш. Вож этажаш (гIаташ) минимуществос дIаеннай тайп-тайпарча организацешта.

— ДIахо фу хургда заводах?

— Тхо болх эргабаккха хьежадар, цу гIулакха Китае а дахадар. Электроинструмент хьаергйолаш болх даболабе дагахьа,- йоах Хь.Тумгоевс.-Москвера ахча хьожадаьдар цу гIулакха, бакъда моттигерча хьакимаша тха ахча кхыча гIулакхашта дIа а дахийта, из тхога хьакхачийтанзар.

Се дIавахале, завода тхов кIалхарча столове чуотта лаьрхIар аз, цун болх дIа мишта бода хьажа безам болаш.Цига со нийсвеннар мархий бутт бар, цудухьа цхьан саьн чу чай молаш вагIа берашха ши зIамсаг мара саг вацар цу чу. Бакъда цига болх беш йола Оздоева Аьсет-м ший моттиге яр.

— Болх беш бола нах заводе дукха цахиларах, оаха тхоаш долча чуухача укх юххерча колледжа дешархошта а гIулакх ду. Уж каст-каста хулаш бола тха хьаьший ба, — йоах кIай халат дувхача кхалсага. Вешта аьлча, хIанз завода болча болхлошта хIама кхалла моттиг йолаш я. КIеззига чура тоайича кхы а хозагIа, безамегIа хургьяр аьнна хет цу чу. Хьагучох, дукха ха я cтолове ремонт ца ю: уйнаш тоа ца ду, кIираш ца тоха.

Ха-зама яларца, тоадала мег къахьегама пхьоаллен гIулакх. Нагахьа санна наха чIоаггIа эшаш дола товараш хьа а деш, укхазара болх дIаболалой, наха къахьега моттигаш хиларал совгIа, цу наьха а завода ший а вахара хьалаш тоалургда. Сатувса догдоагIа цу денга.

С. Арчаков,

йоазонхо

Сурташ тIа:

1. Завода эггара хьалхара директор А.Мальсагов;

2. Къахьегама гимнастиках хинна методист,

дзюдох вола Казахстана заслуженни тренер

Я. Мерешков

Сердало

№ 86-87 (11822-823), суббота, 17 июня 2017 года

​Дика дезал – мехка ганз - Сердало1.ГIорваьнна Iилманхо, профессор ХIара шера, дешар дIадолалуш, дукхагIйолча классашка хьалхара урок хул гIалгIай метта хетаяь, укхаза дувц вай метта ширалах, цун къона йоазув кхеллача нахах, из мотт кхы тIа шаьрбеш,
13.07.2017 Сердало
​Тимури цун командеи… - СердалоХIанз а дизза ши шу даьннадацар вай республика хьаяь. Доацараш, дезараш дукха дар.
10.07.2017 Сердало
ХьатIакхаьчад ахка. Бераш салаIа цIахийцад. Бакъда из цхьаццадолча бераша харцахьа кхетаду.
30.06.2017 Сердало
(Ужахова Хадижата 100 шу дизарга) Са ираз хиннад дуккха цIихеза гIалгIайи нохчийи бовза, царца бувзамаш, гIулакх леладе.
23.06.2017 Сердало
​Мишта яр Нана-Наьсаре хьалха? - Сердало(Наьсарех гIала хьаяь 50 шу дизара накъадолхаш) Школе йоазон болх беш хилча, шоашта йолча оаттонна бераша хоатташ нийслу, сенгара дIаволавала веза, аьле.
22.06.2017 Сердало
​ДИКА БЛОГЕР – НАХА ПАЙДА БАХЬА ЙОАЗОШ КХОЛЛАР - СердалоИнтернет сеташка гIолла шоай оагIош, блогаш лелаеш болча наьха ди дездеш цIай да июнь бетта 14-ча дийнахьа.
14.06.2017 Сердало
В Ингушетии прошел  многотысячный митинг памяти жертв депортации 1944 года - IngNews.RuВ Ингушетии у мемориального комплекса "Девять башен", воздвигнутого в память о жертвах репрессий, состоялся санкционированный властями митинг.
23.02.2018 IngNews.Ru
Обращение Главы Республики Ингушетия Ю.Б. Евкурова в связи с 74 годовщиной депортации ингушского народа - IngNews.RuУважаемые соотечественники! Хьамсара мехкахой!   В эти скорбные дни, когда исполняется 74 года со дня депортации ингушского народа, выражаю слова сочувствия и поддержки каждой семье, потерявшей в то время своих родных и близких,
23.02.2018 IngNews.Ru
Евкуров возложил цветы к мемориалу "Стена скорби" В Москве - IngNews.RuВ Память о депортации ингушского народа Глава Ингушетии Юнус-Бек Евкуров в четверг возложил цветы к мемориалу "Стена скорби" в Москве.
22.02.2018 IngNews.Ru
Драка, произошедшая между чиновниками в Назрановском районе Ингушетии, завершилась ножевым ранением главы администрации села Плиево его заместителем, сообщил РИА Новости источник в правоохранительных органах региона.
22.02.2018 IngNews.Ru
В Магасе появятся экскурсии на вертолете - IngNews.RuМэрия Магаса разработала маршрут экскурсии по горной Ингушетии на вертолете «Еврокоптер 360», рассказал мэр столицы Беслан Цечоев.
19.02.2018 IngNews.Ru
В рейтинге психического здоровья регионов России республика занимает второе место, утверждает Минздрав России.
19.02.2018 IngNews.Ru
Легковая автомашина ВАЗ-2107 столкнулась с трактором на дороге в Сунженском районе республики, есть пострадавшие, сообщили газете «Ингушетия» в пресс-службе МВД по региону.
19.02.2018 IngNews.Ru
alt - IngNews.RuВ Кизляре неизвестный открыл стрельбу по толпе на Масленице у православного храма.
18.02.2018 IngNews.Ru
В Северной Осетии-Алании задержали помощника прокурора из Ингушетии - IngNews.RuВсе произошло в селении Гизель в Пригородном районе Северной Осетии-Алании.
18.02.2018 IngNews.Ru
Легенда советского хоккея  Якушев вручил новую форму юным спортсменам в Ингушетии - IngNews.RuИзвестный хоккеист, двукратный олимпийский чемпион Александр Якушев вручил юной хоккейной команде из Назрани 100 комплектов новой хоккейной формы.
18.02.2018 IngNews.Ru
Сотрудники полиции республиканской столицы доставили в отделение молодого мужчину.
18.02.2018 IngNews.Ru
В Ингушетии женщина  получила срок за комментарий в интернете - IngNews.RuПреступление экстремистской направленности совершила жительница республики Ингушетия.
16.02.2018 IngNews.Ru
В Магасе началась установка телефонных будок на солнечных батареях с wi-fi - IngNews.RuУстановка будок для таксофонов с wi-fi, подзарядкой для телефонов, видеонаблюдением и кнопкой вызова такси началась в Магасе (Ингушетия).
16.02.2018 IngNews.Ru
Ингушетия изучит опыт Дагестана, который заключил соглашение со службой занятости Москвы о возможном трудоустройстве молодежи республики на предприятиях столицы, сообщил РИА Новости глава Ингушетии Юнус-Бек Евкуров.
16.02.2018 IngNews.Ru
Ахмед Теркакиев: В ближайшее время будет  определена квота на чартеры для паломников - IngNews.Ru«Росавиация» на совещании 15 февраля рассмотрела заявки авиакомпаний на перевозку паломников в Саудовскую Аравию для совершения хаджа в 2018 году.
15.02.2018 IngNews.Ru
Районный суд в Назрани проведет громкий процесс о неоднократном похищении невесты.
15.02.2018 IngNews.Ru
В Ингушетии открылся первый в республике Диспетчерский центр связи для глухонемых, призванный оказывать социальную помощь людям с ограниченными возможностями здоровья (ОВЗ) по слуху,
15.02.2018 IngNews.Ru
Главы муниципалитетов и религиозных общин в Ингушетии займутся профилактикой политизации мечетей, чтобы имамы не делали акцент на политику в своих проповедях.
15.02.2018 IngNews.Ru
JPG Файл - МВД России по Республике ИнгушетияВчера в 10 часов 45 минут ушла из дома на работу и не вернулась 30-летняя Кодзоева Лейла Магомедовна, жительница г. Назрань.
22.02.2018 МВД России по Республике Ингушетия
IMG_7808.JPG - Правительство Республики ИнгушетияПеречень мероприятий по улучшению водоснабжения в сельском поселении Плиево обсудили сегодня в ходе рабочей встречи министр строительства Р. Цуров и глава с. п. Плиево Б. Хамхоев.
22.02.2018 Правительство Республики Ингушетия
Министр внутренних дел по РИ Дмитрий Кава - ИнгушетияМинистр внутренних дел по РИ Дмитрий Кава Стационарный пост ДПС в сельском поселении Яндаре, который практически полностью был разрушен в результате нападения бандитов, не будет восстановлен,
22.02.2018 Ингушетия
Труп неизвестной женщины обнаружили в Ингушетии - Ингушетия
Труп неизвестной женщины обнаружили в Ингушетии
В сельском поселении Яндаре Назрановского района республики недалеко от ФАД «Кавказ» обнаружили труп неизвестной женщины, сообщили газете «Ингушетия» источник в правоохранительных органах.
Ингушетия
Ингушские правоохранители разыскивают мужчину, сбившего подростка - Ингушетия
Ингушские правоохранители разыскивают мужчину, сбившего подростка
Ингушские правоохранители разыскивают мужчину, который совершил наезд на 14-летнего подростка и скрылся с места происшествия, сообщили газете «Ингушетия» в МВД по региону.
Ингушетия
В Волгограде из-за упавшей ветки дерева серьезную травму получила уроженка Ингушетии - Ингушетия
В Волгограде из-за упавшей ветки дерева серьезную травму получила уроженка Ингушетии
Накануне в Волгограде по бульвару 30-летия Победы серьезную травму получила 23-летняя девушка, приехавшая в город из Ингушетии.
Ингушетия
Они чувствуют боль предков - ИнгушетияДети читают стихи о сталинской депортации Среди массы мероприятий, посвященных очередной годовщине сталинской депортации ингушского народа,
23.02.2018 Ингушетия
Мы все расточаем свои дни в поисках смысла жизни. Знайте же, этот смысл — в Искусстве.
23.02.2018 Министерство культуры
Писатель Исса Кодзоев - ИнгушетияИсса Кодзоев призывает правоохранителей заняться фильмом о Лаврентии Берия Писатель Исса Кодзоев Писатель Исса Кодзоев уверен, что показ документального фильма о Лаврентии Берия на федеральном канале,
22.02.2018 Ингушетия
Вечер ингушской поэзии прошел в Национальной библиотеке республики - Ингушетия
Вечер ингушской поэзии прошел в Национальной библиотеке республики
В Национальной библиотеке Ингушетии в рамках декады родного языка прошел вечер ингушской поэзии, сообщает пресс-служба учреждения.
Ингушетия
Выставка «Преступление, которому нет срока давности» открылась в Национальной библиотеке Ингушетии - Ингушетия
Выставка «Преступление, которому нет срока давности» открылась в Национальной библиотеке Ингушетии
В Национальной библиотеке Ингушетии открыта книжная выставка «Преступление, которому нет срока давности», посвященная 74-й годовщине насильственного выселения ингушей и чеченцев с их исторической родины.
Ингушетия
Отчетный концерт творческих коллективов прошел в Сагопшинском доме культуры - Ингушетия
Отчетный концерт творческих коллективов прошел в Сагопшинском доме культуры
Работники культуры сельского поселения Сагопши Малгобекского района Ингушетии отчитались перед жителями села о проделанной работе концертом своих воспитанников, сообщает пресс-служба Республиканского дома народного творчества.
Ингушетия
Ингушский боец Евлоев проведет защиту титула с казахстанцем Морозовым - ИнгушетияДействующий чемпион по смешанным единоборствам (M-1 Challenge) в легчайшем весе Мовсар Евлоев 22 февраля проведет защиту титула с казахстанским спортсменом Сергеем Морозовым,
22.02.2018 Ингушетия
Нажмите для предварительного просмотра изображения - ФК Ангушт22 февраля "Ангушт" провел очередной контрольный матч против ФК"Спартак-Нальчик".
22.02.2018 ФК Ангушт
Нажмите для предварительного просмотра изображения - ФК Ангушт23 февраля 1944 года стало одним из самых трагичных дней в истории чеченцев и ингушей.
23.02.2018 ФК Ангушт
Защита титула чемпиона - Ингушетия
Защита титула чемпиона
Мовсар Евлоев посвятил победу на турнире М-1 Challenge 88 своему народу Ингушский спортсмен Мовсар Евлоев защитил звание чемпиона по смешанным единоборствам в легчайшем весе в ходе поединка с казахстанским бойцом Серг
Ингушетия
Мовсар Евлоев в Москве защитил титул чемпиона M-1 Challenge - Ингушетия
Мовсар Евлоев в Москве защитил титул чемпиона M-1 Challenge
Непобежденный ингушский боец Мовсар Евлоев защитил титул чемпиона M-1 Challenge в легчайшем весе, досрочно победив спортсмена из Казахстана Сергея Морозова.
Ингушетия
В Сунженском районе прошло первенство по шахматам - Ингушетия
В Сунженском районе прошло первенство по шахматам
В Доме культуры сельского поселения Нестеровское прошло личное первенство Сунженского муниципального района по шахматам среди юношей и девушек до 15 лет.
Ингушетия
В предгорном селе Алкун Ингушетии у памятника «Дорога жизни» состоялось памятное мероприятие - ИнгушетияВ сельском поселении Алкун Сунженского района состоялось мероприятие, посвященное 74-ой годовщине депортации ингушского народа с участием старейшин района,
23.02.2018 Ингушетия
ZS1A5680.jpg - Республика ИнгушетияВ годовщину депортации ингушского народа, 23 февраля, Глава республики Юнус-Бек Евкуров навестил в Назрани очевидца страшных событий февраля 1944 года Мухарбека Танкиева.
23.02.2018 Республика Ингушетия
AF3I2341.jpg - Республика ИнгушетияГлава Ингушетии Юнус-Бек Евкуров встретился с ведущими блогерами и журналистами республики.
22.02.2018 Республика Ингушетия
​Новая жизнь сельских домов культуры
Культура современной России просто немыслима без того культурного пласта, что был создан предыдущими поколениями.
Сердало
​Около 80 жителей Ингушетии вошли в состав волонтеров предвыборного штаба Путина
В Ингушском избирательном штабе кандидата в Президенты России Владимира Путина стартовали собеседования с людьми, которые захотели стать волонтерами предвыборных штабов В.Путина.
Сердало
​Огромное небо
В преддверии Дня науки в Северо-Кавказском колледже имени Т. Цурова прошло мероприятие, посвященное годовщине подвига Героя России Суламбека Осканова.
Сердало
В предгорном селе Алкун Ингушетии у памятника «Дорога жизни» состоялось памятное мероприятие - ИнгушетияВ сельском поселении Алкун Сунженского района состоялось мероприятие, посвященное 74-ой годовщине депортации ингушского народа с участием старейшин района,
23.02.2018 Ингушетия
ZS1A5680.jpg - Республика ИнгушетияВ годовщину депортации ингушского народа, 23 февраля, Глава республики Юнус-Бек Евкуров навестил в Назрани очевидца страшных событий февраля 1944 года Мухарбека Танкиева.
23.02.2018 Республика Ингушетия
В мечетях Ингушетии будут читать молитвы по жертвам депортации 1944 года - ИнгушетияВо всех мечетях Ингушетии во время пятничной коллективной молитвы мусульман будут читать молитвы по жертвам депортации 23 февраля 1944 года.
23.02.2018 Ингушетия
Уважаемые соотечественники! Хьамсара мехкахой! В эти скорбные дни, когда исполняется 74 года со дня депортации ингушского народа, выражаю слова сочувствия и поддержки каждой семье,
23.02.2018 Республика Ингушетия
AF3I2341.jpg - Республика ИнгушетияГлава Ингушетии Юнус-Бек Евкуров встретился с ведущими блогерами и журналистами республики.
22.02.2018 Республика Ингушетия