Новости города БезФормата.Ru
Магас
Главные новости
 
Задать вопрос?

Къаман гIулакха лаьтта саг

Къаман гIулакха лаьтта саг - Сердало
Фото: serdalo.ru

Дукха нах баьхаб, хIанз а бах вай мехка, шоай гIулакх тIехьатетташ, мел йоккха хало шоашта хуле а, къаман юкъара гIулакх хьалхадоахаш. Иштта нах хилар бахьан долаш ди тIехьа тоалуш боагIа вай мохк, дуккхача хана денз дагалаьтта хIамаш кхоачашхулаш латт. ХIара дийнахьа яхар санна, кIезиг-кIезига къаманна ше дIавекъаш вар са вувца безам бола саг а. Из вар Абадиев ВоахIапа Бек. Иштта, Бек аьнна цIи йоаккхе а, из дIаоалаш аттагIа хиларах лелаеш яр цо, бокъонца йола цун цIи Утанбик яр. Из цIи цох наггахьа цунца болх беча маIача наха мара йоаккхаш а яцар, йоаккхача хана а шоаш салоIаш е цхьаннахьа сакъердаш хилча мара а яккхацар.

1981 шера июль бетта «Сердало» газете балха отта со венача хана, цун редакце эггара хьалха сона байзача нахах цаI вар Абадиев. Керттерча редактора цунна тIадилладар сона фу хов хьажар а, цул тIехьагIа, болх булургболаш вале, культура отдела корреспондента дарже хьаэца могавар а. Лохорча дегIара, лоа санна кIайбенна корта болаш, саг вар сона хьалхаваьнна, редакци а, къаьстта культура отдел а, цун декхараш а довзийташ лийннар. Хана сел воккха а ма вац ер, корта-м чIоагIа кIайбеннаб укхун, аьнна хийтар сона эггара хьалха. Цу хана Бека даьннадацар 43 шу мара, амма 70 — 80 шу даьннача воккхача сагабар санна бар йис йиллача керта бос. Халонаш, саготонаш дукха яйначох тара вар са хургвола хьаким. Цхьаькха цхьа хIама-м дар укхаза, Абадиев юхьа ше а кIай саг вар, жогIара бIаргаш а долаш. ЖогIара яхилга да, сийрда яхилга, бакъда сийна дац уж, баьццара лесташ да. Аз цу деша маIан дара бахьан да, цхьаццаболча вай Iилманхоша харцахьа даьшхад из дош. Цхьадолча даькъе цудухьа хеталора Бек селлара кIайвенна, хIаьта нонагIча даькъе из дувзаденна дар лайнача халонашца.

Сона гIалгIай мотт хой хьежа, йоазонах со лоархIавой а техка, ший зIамагIвола новкъост волаш (корреспонденталла) редакце балха дIаэца могавир со культура отдела керте латтача Абадиевс.

Иштта дIадоладелар тха довзар а ши шу совгIа йолча хана цхьана даьха балха денош а. Тхона юкъе пен мара бацар, из 614 кабинете вагIар, хIаьта со – 613 кабинете. Цу хана, ховш ма хиллара, газет Шолжа-ГIалий тIа дар, хIаьта Бек ше вахаш цигарча М. Калинина цIерагIча поселке вар. ХIанз отдел юкъара хинна ца Iеш, телефон а яр тха юкъара. Цхьайолча хана хьаким къамаьл даь валлалца, хьежаш вагIа везаш хулар гIулакх, хIана аьлча районашка гIолла фуд-малад хайна из валалехь дукха ха дIайодар.

Эггара хьалха, беча балха хьакъехьа дувцаш, отдела заведующе къоастадир ше а со а сенах яздеш хургва, цхьана болх беш йоаккхача хана. Болх бийкъар. Шийна из дикагIа довзарах, цу лостамагIа ше дийша хиларах, театр шийга дитар цо. Вешта аьлча, цо дукхагIа яздора театрах, цун артистех, Сийлахь-боккхача Даьймехка тIема ветеранех, изобразительни искусствох, музейша беча балхах. Сога кхаьчар школаш, спорт, унахцIено. Нийслора цкъаза, болх къеста ца беш, оаха тхоай йоазош деш а, аз театрах а, цо дешарах, унахцIенох, иштта кхы дIахо а. Цул совгIа, сона балха тIа гIо дергдола штате боаца корреспонденташ а бовзийтар цо, са декхараш аттача доахаш. Масала, царех яр Нохч-ГIалгIай Госкино комитета болхло В.Ковалёва. Вай мехка кинотеатрашка ара мел доалача конофильмех хоамаш дора цу кхалсага, цар чулоацам, режиссёраш, сценаристаш, ролаш ловзаю артисташ бовзийташ. ХIара кIира цкъазза редакце йоагIар Ковалёва. Иштта сона йовзийтар Р. Дудникова, I. Юсупов, Х-Б.Исраилов. ТIеххьарчо даьхка беламе сурташ шоашца долаш арадувлар хийла оаха деш дола йоазош. Царел совгIа, сона чIоаггIа гIо деш вар университета студент вола Барахоев Мухьмад. ТIехьагIа цох газета керттера редактор а цул тIехьагIа ГIалгIайчен телевидене председатель а хилар.

Бека юхе къахьегаро дукха хIама довзийтар. Эггара хьалха культураца бувзабеннача нахаца бувзамаш мишта оттадергда, деш долча йоазоний кIоаргалга, дикалга мишта кхоачаргва хайтар. Цо деш дола йоазош, хIара предложени тохкаш, цар уйла еш, Iомадора аз. Геттара езалора сона цо гIалгIай гIорбаьннача актёрех язъеш хинна очеркаш. ДагайоагIа РСФСР халкъа артистах, Нохч-ГIалгIай АССР Ленински комсомола преме лауреатах Цицкиев Мухтара Мухьмадах цо язъяь хинна «Артист хилва аьнна кхеллар» яха очерк. Йоккха говзал йолаш, хьинарах визза артист вар Цицкиев. Цунга хьежжа наха дукха а везар. МалагIа бахьанаш дар из наха селлара везаш хилара? Цу хаттара дизза жоп деннадар Бека ше цун вахара а кхоллама а наькъех дувцаш. Мухьмада дукха дика ролаш ловзаяьяр «Ромеои Джульеттаи» (Меркуцио), «Мишта чIоагIлу болат» (Жухрай), «Революцен цIерагIа» (Йоакъап), «Даьй къонал» (Антон), «Бешто» (Бешто), «Геростат вицвалийтар» (Геростат), «Малав бехке?» (Болотов), «Шин аьлан Iу» (Труффальдино), кхыяраш. Уж вайна юха дага а йохийташ, актёра дизза сурт диллад журналиста ший йоазон тIа. Вешта, Абадиевх духхьал журналист аьлча кIезига хургда укхаза, извар бокъонца вола театровед.Из гIулакх цул дикагIа ховш гIалгIа вацар вай мехка.

Иштта хозача меттаца язъяьяр цо шоллагIйола «Театра дIаденна вахар» яха очерк а. Из хетаяь яр РСФСР халкъа артиста Хадзиев Махьмад-Гирена. Цу хана Къилбаседа-ХIирий Республикан халкъа артист, К.С.Станиславске цIерагIча Российски Федераце Паччахьалкхен преме лауреат мара вацар из. Къаьстта теркам тIаозар из преми цунна яларо. Из хIана еннай дика гучадаьккхар Абадиевс артистах ше дувцача массехк оагIон тIа. Хадзиев а вар дукха дика ролаш ловзаяь, царех яр «ПаьтIамат» (Лага), «Къонгаш бовча хана» (Шамсудин), «Хьал а гIетте, волле!» (Аушев Мухьмад), кхыяраш.

Уж а цун кхыдола йоазош а дешаро, дикка лакхйора са, къонача журналиста говзал. Болх бе денгара денга аттагIа хулийтар. Иштта чIоагIа накъадоалар цо деш хинна хьехамаш. Тайп-тайпара рейдаш е районашка ухача культура, дешара болхлошца командировкех ухийтар со отдела керте латтача Абадиевс. ДагадоагIа, школашка физкультура мишта хьех, спортивни кхоачам миштаб, хьехархоша дешара программаш йизза кхоачашйой хьожаш, Наьсарен районе гIолла рейд яь. Культура цIенош, бе-беча боахамашкара «ЦIе уголокаш» малагIча хьала тIа я дувцаш, газетага гIолла цIенхашттара къамаьл хулар. Цхьайолча хана халкъа боахама кхыча доакъошка еча рейдашта юкъекхувлаш а нийслора. Царех яр мах беча моттигашка, маькх еча заводашка болх мел нийса бу, наьха хьашташ мишта кхоачашду тохкаш хиннараш. Шедар тIадерзадаь дар кхоачамбоацарашцеи зуламашцеи къовсам лоаттабара. Цу тайпара моттигаш нийсъелча, яз ца деш, кхеравенна, кхаъ ийца юхаваргварех вацар са отдела кулгалхо. Иштта болх бе Iомавора со а кхыбола къона журналисташ а. Цул совгIа, гIалгIай метта хIама дика ховш а вар из. Цу хана, хIаьтта университет яьккха волча сона, метта еррига къайленаш йовзацар. Цхьадола хIамаш Бека сай йоазон тIа тоадича, цо уж харцахьа тоаду аьнна хетар сона. Иштта, хIара Iуйрийна планёрка йолча хана, цо леладер нийса ца хеташ, цунна Iоттараш еш, хулар редактор а цун заместитель а. Къаьстта а белгалдоаккхар Абадиевс ший йоазошка запятойш дукха увттаеш хилар. Уж ца йоагIаш увттаю, аьнна, хетар царна. Цу хана сона а хетар. Ха дIа мел йода, гIалгIай грамматика а пунктуаци а дукхагIа мел Iомаю, со кхийтар, цо увттаяь запятойш Iилмо дIадеххача тайпара увттаеш хиннилга. Кхыча тайпара аьлча, Бек гIалгIай мотт тIагIолла Iомабаь а воацаш, цун мел йола бокъонаш йовзаш саг вар. ДIауйла йича хIанз аз тамаш а ю цох, хIана аьлча гIалгIай дешар дешаш хиннавоаццаше, из мотт селлара безаш, Iомабеш из хинна хиларах. Ше деш дола хIама харцахьа-бакъахьа деш оамал яцар цун, кхычар дича а дезацар из талмаста, цунца дог доацаш. Хетаргахьа вахаро Iомаваьвар из иштта къахьега. ХIаьта, аз лакхе хьоаха ма дарра, из цун атта хиннадацар. Массехк дош аргда вай цун вахара наькъах лаьца.

Абадиев Бек ваь хиннав Наьсар-Керте 1938 шера 1июле. Геттара зIамига волаш, кхо шу даьннача хана, эггара чIоагIагIа бера эшаш вола саг воацаш вус из. Вай Сибре дигале хьалха кхалх цун нана. ХIаьта дас шоллагIа саг йоалаю. Даь-сесаг цунца во хиннай оалалургдац сога, хIана аьлча Iийса яхаш даьна ваь воша вар Бека. Дуккхача хана милице болх бир цо коммунистий хьалхле йола Iаьдал латтчача хана. Каст-каста воккхагIволча вешех бIаргтоха «Сердало» газета редакце чувоагIар из. Нах хьагаргболаш хоза бувзамаш а дар цу шин вешийна юкъе. Иштта тIера вар из несийна а веший дезала а.

Вай дохадеча хана, пхи-ялх шу даьнна хиннав Бек. Воккхачоа а ла хала зама текхай цо ше арахьа лелаш. Мел эшар, мел хетар деце а, деша гIерташ, чакхваьннав ше цига мел яьккхача хана. Эггара хьалха мехкабоалача нахаца, Даьймехка воагIа из, шийца боккхагIбарех а зIамагIбарех саг воацаш, ше цхьаьккъа. Цу хана из хиннав кхелета зIамига саг, цун 18 шу даьнна хиннад хьамсарча юрта воагIаш. МоцагIа ший нана йисача, бера ханара дагалоацам бахача юртацара вIашагIкхетар дийца цаваллал дог тохадолийташ хилар. ХIанз дIахо дIабахьа безар кхело шийна бегIа никъ. Деша ваха, ший керттера гIулакх харжа ха эттача, цо хорж гIалгIаша дукха къердаш йоаца вуз. Из къердаш цахилара бахьан хиннад, цига деша баххал говзал, хьаькъала таронаш йолаш бола нах Казахстанера цIадоагIаш вай къаман кIезига хинна хилар. Цул совгIа Бек чIоагIа дог дIаувш а хиннав ше харжа лаьрхIача дешарца. Из Ленинграде вода; театрани, ашарийи, кинематографеи институте багIача кагирхой мугIаре хила ловш. Цун уйла кхоачаш а хул. Бек цига дIа а отт, цул тIехьагIа из толамца чакх а йоаккх. ДIахо цо балхаш даьд вай къаман культура дегIайоалае, дIахьалхакхувла гIерташ. Цхьадолча даькъе цун из вIаштIехьа а доалар. Бакъда биззача боараме ший хьинарах пайда эца витацар из, цо дIаболабаь никъ къоабалбеш боацача наха. Цо болх бу Нохч-ГIалгIай теникий театра директор волаш. Цхьайолча хана, новкъосташа бегаш беш, хоаставора Бек, «теникий паччахь» хинна саг ма вий ер аьле. Цу тайпарча бегашта эгIазводачарех вацар из. «ТIаккха хIаьта!» — алар мара, из шийна хала дергдацар. Бек цу балха тIа волаш, 1973 шера Шолжа-ГIалий тIа хул хIирашкара лаьтташ юхадехаш йола митинг. Цигара гIалгIай бийсаш яха театре чукхийлаб, театран декорацеш Iай ара латтача наха йIовхал ялар духьа, цIер тIа кхувсаш, йоагаяьй аьле бахьан оттадийя, КПСС Ленински районни комитето партера дIавоаккх Бек, цунца цхьана кхыбола гIалгIай а. Цул тIехьагIа балхах а вох из. Цо ше дийцачох, мегаргболча балха дIа ца эцаш, цхьаннахьа къа ца хьийгача ца воалаш, ший доацача гIулакха тIа вахе, дикка ха йоаккх цо. Ха дIа мел йода, кIезиг-кIезига воагIаш, юха меттавоагIа, Х. Нурадилова цIерагIчатеатре а,
М. Лермонтова цIерагIча театре а балхаш ду.

Бекб баь хинна бехк шийна кIалха кIийле йоацаш хиннаб. Цхьана балха долча хана, цхьацца-шишша дувцаш, цо оалаш дар:

— Сона бокъонца цига митинг хургйий а нах вIашагIкхетаргбий а хацар, городе кхийттача Арчаков Тухана аллалца. Иштта кийчъеш моттиг я, цига хила деза вай дерригаш, аьнна, цо хьийхавар со къам гуллуча майдан тIа.

ДIахо Абадиев балха дIаэц «Сердало» яхача газете, со цига балха вахача хана, изкультура отдела заведующи вар. Балха тIа моллагIа хала моттиг нийсъелча, зIамагIбарий а ший а дог ураоттадеш, оалаш дешаш дар цун: «Большевикаша хьайоаккхаргйоацаш гIап яц»! ТIаккха ше а велалора из, сакъердам боалар гонахьарчарна а, иштта дIадоладаьча гIулакхацара уйла чIоагIлора.

Оаха цхьана болх беча юкъа дикка эргаяьннаяр газета 3-4-гIа оагIонаш. Дукха керда рубрикаш юкъейоалайир, хьалххе дикка уйла а яь. Наха дукха езаш яр «Дезала кхуврч» яха рубрика. Цунна кIалха кепа еттар дезалашта деча хьехамашта, бераш кхедеча новкъа фу де деза дувцача йоазошта, зIамагIбарашта деша мегаргдолча дувцарашта, стихотворенешта, кхалнаха коа-карта деча балхашта. Яшаехкача хIамашта (сомашта, баьцадаарашта) фу эш дувцар. Хозача сурташца кийчъе хьожар из оагIув. Кагирхошта къаьстта езачарех яр «Спортивни Нохч-ГIалгIайче» яха рубрика. Укхаза бовзийтар керда гучабаьнна спортсменаш, яздора боккхагIчар вахарах. Арсамаков Исраилах олимпийски чемпион хиннача хана, цу рубриканна лаьрхIа йоазув дир гIорваьнна хиннача журналиста, газета редактора заместитела Хамхоев Мустафас. Цул тIехьагIа Исраилах яздир Вышегуров Мухьмада, спортсменах а цун тренерах Кодзоев ИбрахIимах а яздир аз. Цхьаькха тхоаш гIаддига моттиг дагайох укхаза. «Динамо» оалача стадиона тIа яр спортивни гимнастиках йола зал. Тхона вIалла йий а ца ховш, цу чу хиннаяр спорта мастер йолаш Героева яхаш гIалгIай йиIиг. Цох дола йоазув а наьха теркам тIаозаш хилар. ТIехьагIа цу йиIий кхел мишта хиннай хьежар со. Из деша эттаяр Нохч-ГIалгIай педагогически институте. ХIанз из мичай, фу болх беш я белггала сона оалалургдац. Цхьаькха рубрика а яр спорта хетаяь, «Спорт – унахцIенон дIоагIа» яхаш. Укхаза каст-каста кепа еттар физкультурник волча Барханоев Висангире, Гадаборшев Абос, Алиев Iалве, кхычар деча йоазошта. ТIеххьара шиъ «Комсомольское племя», «Ленина никъ» яхача газетий корреспонденташ бар, цунца цхьан тха газета яздора цар спортах лаьца. Бека а аз а дукха ха дIалуш яр «Тхо интернационалисташ да», «Культуреи вахари» яха рубрикаш. Хьалхарчо къаьстта а дукха дувцар интернациональни декхар кхоачашдеш хиннача бIухоех, цар гойтача турпалча гIулакхех. Яздора школашка болх беш хиннача интернациональни доттагIала клубех. Культуреи вахари долча, суртанчий хьажараш, цирка хьаьший, лоархIаме концерташ, театра керда спектаклаш, култура цIеной вахар, кхыдараш дувцар. Цу мугIарера дукхагIа сона дагадоагIа йоазош да «Эсамбаев – Наьсаре», «Вайцига хьоашалгIа – Москвера цирк» яхараш. ДагадоагIа, цирке Игорь Кио, Вахтанг Кикабидзе, уж санна цIихеза артисташ бахкар, цунна хетадаь дар лакхе хьоахадаь шоллагIа йоазув. Цу берригача балхб, из атта а кIезига а болх бацар, кулгал деш хиннар вар Абадиев Бек, цун из дика вIаштIехьа а доалар. Из волча баьхка го йиш яр гIорбаьнна артисташ М. Цицкиев, М-Г. Хадзиев,
Р. Наурбиев, Л. Эсмурзиева, Д. Кодзоева, кхыбараш. Цар шоаш а йоазош деш ха хулар газета лаьрхIа.

ГIалгIай республика хьаяьчул тIехьагIа, Бек а цун дезал а цIабаьхка, шоай къаманна юкъе баха хайшар. Цо болх бир краеведчески музея директор волаш, цул тIехьагIа йIаьххача хана ГIалгIай Республикан МВД музея директор хилар цох. Цу хана кийчдаь, цо кепа техар ший «Даьймехка сийдола къонгаш» яхача книжканна. Массехк даькъах латтача цу тIа бувцараш бар эрсий-туркий а эрсий-японски а тIемашка дакъа лаьца бола нах, «Акхача дивизен» юкъе болаш, вай мехка сий, цун доазонаш лорадеш хинна гIалгIай. Царна юкъе гу вайна Боров Анзора, Нальгиев Элберда, Аушев БаIадала, Маматиев Асланбека, Мальсагов Малсага, Добриев Дудара, Боров Заурбека, Боров Султанбека, кхычар цIераш. Къаьсттача мугIарцабелгалъяккха лов сона, чIоаггIа сайна езаенна, цо Гудиев Гудах язъяь хинна очерк. Цу сага деналах, майралах эггара хьалха Бека йоазонга гIолла дайзар сона. Ховш ма хиллара, из хиннав Баку яхача города хьаким. Валар а хиннад цун къонахчун санна, из, топаш тоха суд яь, вийнав.

Бек балха хиннача МВД гаьна доацаш дар Наьсарера доккха маьждиг. Балхара цIавоагIаш хилча, сона гора, цига делкъа ламаз дийя, шоай балха тIа юхаболха бокъонаш лораяра органашкара кагийнах, боккхий нах. Хийла царца хулар Абадиев. Вешта аьлча, Даьлах тешаш, цунна Iамал еш вар журналист, театровед, музея кулгалхо. Лоацца къамаьл хулар са цхьан хана хиннача сай хьакимца. Цох доккха дикахетар а хулар. Иштта Даьла дагавоагIаш саг я цун фусам-нана, вай республике йовзаш йола телевидене корреспондент Абадиева Хьава а. Ер йоазув кийчдеча хана, цунца вIашагIкхета дагахьа телефон техача, из ХьажцIа яха цIагIа яц аьлар сога. Хьава сона йовза а я дукха ха. ДIадахача бIаьшерен 80-ча шерашка из болх беш яр Нохч-ГIалгIай радиокомитета музыкальни редакце. Ший болх дика бовзаш а цох лоархIаеш а яр Хьава. Къаьстта а ала деза, из наха тIера а Iимерза а саг я аьнна. Цхьацца балхаца джувзаденна г1улакхаш д1а-юха леладе дезаш а хиннав со цу эздийча кхалсагаца. Цо дехар а даь, Хамхоев Ахьмада оаз д1аязйир аз, иллиалархо ше дийна волча хана. «Мехкарий» яхача са стихотворенена мукъам а баккхийта, цох илли даьдар Абадиевас. Дуккхача шерашка дийкар из, Дзейтов Тимура дIа а оалаш, Нохч-ГIалгIай телевидене гIолла.

Бекеи Хьавайи къонгаш кхийнаб. Цар бераш а хьадоладеннад. Хоза да цар вахар, бакъда цаI да ца тоъаш, дезала даь оаз, цун кIаьда велавалар. Абадиев Бек кхелхав 2015 шера. Нагахьа санна цунна нах безар, ший къаманна гIулакх хьалхадоахаш хинна хилар теркалдича, из цIаккха а вицвала йиш яц, аьнна, хет сона.

С. Арчаков

Последние новости Ингушетии по теме:
Къаман гIулакха лаьтта саг

Къаман гIулакха лаьтта саг - Магас
Дукха нах баьхаб, хIанз а бах вай мехка, шоай гIулакх тIехьатетташ, мел йоккха хало шоашта хуле а, къаман юкъара гIулакх хьалхадоахаш.
18:13 06.09.2017 Skforussia.Ru
Къаман гIулакха лаьтта саг - Сердало
Къаман гIулакха лаьтта саг - Магас
Дукха нах баьхаб, хIанз а бах вай мехка, шоай гIулакх тIехьатетташ, мел йоккха хало шоашта хуле а, къаман юкъара гIулакх хьалхадоахаш.
16:52 06.09.2017 Сердало
Бераш – вай кхоане я. Тахан вайга хьа а кхаьча, вай леладер, кхоана шоаш вай ханага хьаайттача, вайгара дIа а ийца, дIахо дIадахьа дезараш ба уж.
06.09.2017 Skforussia.Ru
ТХОВ ТIА ЛЕЛА БЕРАШ - СердалоБераш – вай кхоане я. Тахан вайга хьа а кхаьча, вай леладер, кхоана шоаш вай ханага хьаайттача, вайгара дIа а ийца, дIахо дIадахьа дезараш ба уж.
06.09.2017 Сердало
Ха дIайоде а, вахар хувцалой а, нах эргабувле а, вай литературан юкъе хулаш дола хувцамаш сел дог деладеш а дац.
05.09.2017 Skforussia.Ru
Вахар а заманга  хьежжа хул   (А. Ведзижева «Шелбенна кхуврч» яхача романах) - СердалоХа дIайоде а, вахар хувцалой а, нах эргабувле а, вай литературан юкъе хулаш дола хувцамаш сел дог деладеш а дац.
05.09.2017 Сердало
Дукха ха йоацаш ГIаьбартой-Балкхарой республикерча Султан Ураган яхача иллиалархочунга ладувгIаш вагIаш, цо юха дагайохийтар сона 70-ча шерашка хинна Наьсареи цу ханара цун кагий нахи.
29.08.2017 Skforussia.Ru
Артиста  Никъ - СердалоДукха ха йоацаш ГIаьбартой-Балкхарой республикерча Султан Ураган яхача иллиалархочунга ладувгIаш вагIаш, цо юха дагайохийтар сона 70-ча шерашка хинна Наьсареи цу ханара цун кагий нахи.
29.08.2017 Сердало
Дукха ха йоацаш, газето дийцар профессора Дахкильгов ИбрахIима 80 шу дизара хьакъехьа.
26.08.2017 Skforussia.Ru
Дика суртанча - СердалоДукха ха йоацаш, газето дийцар профессора Дахкильгов ИбрахIима 80 шу дизара хьакъехьа.
26.08.2017 Сердало
(дувцар) Боккхача новкъа а даьнна, баIай босах хьалдийрзар юртара жаIул.
24.08.2017 Skforussia.Ru
ЦIийоацар - Сердало(дувцар) Боккхача новкъа а даьнна, баIай босах хьалдийрзар юртара жаIул.
24.08.2017 Сердало
Со зIамига кIаьнк волча хана денз, тха цIагIа хулаш а дешаш а хиннад «Сердало» газет.
19.08.2017 Magas.Ru
Наьна меттаца дувзадаь вахар - Сердало(Шадиев Султана 80 шу дизарга) Со зIамига кIаьнк волча хана денз, тха цIагIа хулаш а дешаш а хиннад «Сердало» газет.
18.08.2017 Сердало
МоллагIча сага вахаре эггара лоархIамегIеи халагIеи долча декхарех цаI да, ший къахьегама никъ хоржилга.
11.08.2017 Skforussia.Ru
Беркате никъ - СердалоМоллагIча сага вахаре эггара лоархIамегIеи халагIеи долча декхарех цаI да, ший къахьегама никъ хоржилга.
11.08.2017 Сердало
Ингушетия готовится к проведению первых сборов юнармейцев СКФО - СердалоОрганизационные вопросы, касающиеся проведения в Ингушетии первых сборов по подготовке командного состава юнармейского движения Северо-Кавказского федерального округа,
19.09.2017 Сердало
Трое безработных в Ингушетии украли лошадь у 55-летнего фермера - ИнгушетияСотрудники правоохранительных органов задержали трех жителей Ингушетии, подозреваемых в краже лошади с территории фермерского хозяйства в сельском поселении Инарки, сообщили газете «Ингушетия» в пресс-службе МВД по республике.
19.09.2017 Ингушетия
Прокуратурой республики утверждено обвинительное заключение в отношении 28-летнего Абдулы Падиева обвиняемого в совершении преступления, предусмотренного ч. 1 ст.
18.09.2017 Прокуратура
В результате ДТП в Ингушетии два человека пострадали, в том числе 17-летний подросток - ИнгушетияВ результате дорожно-транспортного происшествия на автодороге Назрань — Малгобек два человека, в том числе 17-летний подросток,
19.09.2017 Ингушетия
Два человека, в том числе семилетняя девочка, попали в больницу после ДТП в Ингушетии - Ингушетия
Два человека, в том числе семилетняя девочка, попали в больницу после ДТП в Ингушетии
На федеральной трассе в Ингушетии столкнулись два автомобиля одной марки, двое получили ранения, сообщили газете «Ингушетия» в пресс-службе республиканского МВД по республике.
Ингушетия
Житель Ингушетии получил шесть лет тюрьмы за покушение на убийство - Ингушетия
Житель Ингушетии получил шесть лет тюрьмы за покушение на убийство
52-летний житель Ингушетии признан виновным в совершении преступления, предусмотренного частью 3 статьи 30 — частью 1 статьи 105 УК России — «покушение на убийство», сообщает пресс-служба следственного управления СКР по республике.
Ингушетия
Последствия без обмана - Сердало
Последствия без обмана
Как вы относитесь к людям, которые действуют, заведомо понимая, что идут на большой риск не только для себя, но и для окружающих?
Сердало
Руслан Гагиев провел плановое совещание - Правительство Республики ИнгушетияНа плановом совещании в Правительстве РИ, под председательством премьер-министра Руслана Гагиева был обсужден ряд вопросов, стоящих на контроле кабинета министров.
18.09.2017 Правительство Республики Ингушетия
Ингушский ТЮЗ — детям Пригородного района - ИнгушетияИнгушский театр юного зрителя в рамках благотворительной акции покажет спектакль «Чуче» детям Пригородного района.
19.09.2017 Ингушетия
В Москве пройдет научно-практическая конференция, посвященная молодежной литературе и чтению - Министерство культуры21–22 сентября 2017 года на базе Российской государственной библиотеки для молодежи (Москва, ул.
19.09.2017 Министерство культуры
Выставка ко Дню памяти жертв политических репрессий пройдет в мемориальном комплексе Назрани - Ингушетия
Выставка ко Дню памяти жертв политических репрессий пройдет в мемориальном комплексе Назрани
22 сентября в выставочном зале Мемориального комплекса жертвам репрессий состоится открытие персональной выставки Рустама Яхиханова «Перекрестки памяти», посвященной Дню памяти жертв политических репрессий.
Ингушетия
​НЕПРОСТЫЕ ТАНЦЫ - Сердало
​НЕПРОСТЫЕ ТАНЦЫ
Недавно власти Сунженского района Ингушетии ввели в эксплуатацию школу национальных традиций, стилизованную под быт средневековых ингушей.
Сердало
О вечном - Ингушетия
О вечном
Коварство и любовь Классическая пьеса немецкого драматурга Ф. Шиллера «Коварство и любовь» была удачно воплощена на сцене Ингушского государственного театра им.
Ингушетия
Знай наших! - СердалоВ 9-ом туре первенства России по футболу «Ангушт» принимал лидера южной зоны — ФК «Краснодар-2», и игра в Назрани ожидалась напряженной.
19.09.2017 Сердало
Дзюдоист Цечоев счастлив, что исполнил мечту отца, завоевав золото чемпионата России - Magas.RuДебютант чемпионата России по дзюдо Алихан Цечоев счастлив, что смог исполнить заветную мечту своего отца, завоевав золото турнира в Нальчике.
18.09.2017 Magas.Ru
Доступней спорта не бывает - ИнгушетияВ Назрани проходит открытый чемпионат по воркауту 19 сентября с 11:00 в Назрани на самой крупной в России воркаутной площадке Комитет по делам молодежи Ингушетии проводит открытый чемпионат Street Workout 2017.
19.09.2017 Ингушетия
Ингушские дзюдоисты взяли два золота и две бронзы на первенстве России в Нальчике - Ингушетия
Ингушские дзюдоисты взяли два золота и две бронзы на первенстве России в Нальчике
В Нальчике проходит чемпионат России по дзюдо. Ингушским дзюдоистам удалось выиграть две золотые и две бронзовые медали.
Ингушетия
Ингушские самбисты заняли восемь первых мест на турнире в Ставрополе - Ингушетия
Ингушские самбисты заняли восемь первых мест на турнире в Ставрополе
Ингушские спортсмены из бойцовского клуба «Магас» заняли восемь первых мест и одно второе на ежегодном турнире по самбо в Ставрополе.
Ингушетия
Хореографический ансамбль «Зори Ингушетии» завоевал золото на международной олимпиаде - Ингушетия
Хореографический ансамбль «Зори Ингушетии» завоевал золото на международной олимпиаде
Детский хореографический ансамбль «Зори Ингушетии» из Малгобека завоевал золотую медаль на 16-ой международной олимпиаде по хореографии «Красота и доброта спасут мир», которая походила с 11 по 17 сентября в Сочи,
Ингушетия
Линия орлиных передач - СердалоНа окраинах многих населенных пунктов Ингушетии, да и непосредственно над ними часто можно наблюдать полет орлов.
19.09.2017 Сердало
БЕЗОПАСНАЯ  ПЕРЕВОЗКА ДЕТЕЙ - СердалоПрокуратурой Республики Ингушетия проведена проверка безопасности перевозки детей школьными автобусами.
19.09.2017 Сердало
Спагетти с курицей  в томатном соусе - СердалоЛюбителям итальянской кухни посвящается. Представляем вниманию читателя сытный и очень вкусный ужин всего за полчаса.
19.09.2017 Сердало
Ахархочун сийдола никъ - Сердало
Ахархочун сийдола никъ
Из дар 1987 шера. Нохч-ГIалгIай книжни издательствон директора Хь. Дзейтовс, чу а вийха, Кодзоев Бахьаудинах очерк язъюялара Iа, аьнна, дийхар сога.
Сердало
ПАЙДА БОАЛЛАШ САННА ЗЕ ДАЛА А ТАРЛУ ЦОХ - Сердало
ПАЙДА БОАЛЛАШ САННА ЗЕ ДАЛА А ТАРЛУ ЦОХ
Вай массавар оарцагIвала везаш, вай сагота хила а дезаш, вай кхебе безаш ба воай дезал.
Сердало
УДОБНЫЙ ПУТЬ  С ЯРКИМ ОСВЕЩЕНИЕМ - Сердало
УДОБНЫЙ ПУТЬ С ЯРКИМ ОСВЕЩЕНИЕМ
Испокон веков новая дорога или ремонт старой воспринималось людьми как дело хорошее, полезное, вселяющее в сознание масс понятный оптимизм.
Сердало
В Республике Ингушетия  состоялся «День пенсионной грамотности» - ПФРФСегодня в Ингушетии, как и во всех регионах Российской Федерации,    прошел Единый День пенсионной грамотности, который проводится под эгидой Пенсионного фонда России.
19.09.2017 ПФРФ
860A1903 - Народное собраниеСегодня в Малом зале под председательством Зялимхана Евлоева прошло очередное заседание Совета Народного Собрания шестого созыва.
19.09.2017 Народное собрание
В Самаре открыли бульвар имени Героя России Алихана Калиматова - Постоянное представительство Республики ИнгушетияСегодня Глава Республики Ингушетия Юнус-Бек Евкуров @junusbek_evkurov и Заместитель Председателя Правительства РИ – постоянный представитель Алихан Цечоев @alihan_i_tsechoev посетили Самару по случаю церемонии открытия б
19.09.2017 Постоянное представительство Республики Ингушетия
Land Rover в стране башен и легенд - ИнгушетияУчастники экспедиции Land Rover Disscovery V «Открывая Россию» посетили Ингушетию Пятый сезон экспедиций Land Rover «Открывая Россию» проходит в Северной Осетии и Ингушетии на автомобилях Land Rover Disscovery V.
19.09.2017 Ингушетия
В Москве пройдёт мероприятие по празднованию 25-летнего юбилея Ингушетии - Ингушетия21 сентября текущего года в Москве в районе анфилады главного здания Музея архитектуры имени А. В. Щусева по ул.
19.09.2017 Ингушетия