Фото: serdalo.ru
Сурхо тIарча ийс шера дешача школе ворхIлагIча классе дешаш ва Булгаков Алексей (Булгучев Муса). ДIадахача шоатта дийнахьа гIорваьннача разведчика Цороев Iаддала хетаяьча дзюдох йолча яхьашка дакъа лоацаш хилар из.
Цига ший дозал долча (46 кг) спортсменашта юкъе хьалхара моттиг яьккхар цо. Из спортаца хьоашал долаш вола дикка ха я. Эггара хьалха из лата дIаволавелар 7 шу даьннача хана. ХIанз цун 13 шу даьннад. Цу юкъа цо дакъа лаьцад тайп-тайпарча яхьашка. Из хиннав Питере, Москве, Нальчике, кхыйолча моттигашка. Цига коталонаш яхарах денна дукха совгIаташ да кIаьннка.
С. Арчаков
Источник: Сердало
19.10.2017 10:29