2018 шерара хьажол ДИКА чакхдаЬлар

Фото: serdalo.ru

Ялсмала бодача наькъах АллахIо вайна тIадахкача паразех цаI да – вайна ма харра Макка а ваха хьажол дар. Из чIоагIа дего къоабала а деш тIаийцад вайнаха. Долче, аргда вай дIахо а Хадж -2018 дикка кхоачашдир ГIалгIай къамо, аьнна.

Атта дац хьажол де. ХIаьта Даьлагара гештдар деха а, Из къин тIера ваккха а къахьега деза хIара бусулба саго. Дийца варгвоацаш доккха да цун дозал геттара доккха. Дукха ха яц хьажцIа баха нах цIабаьхка. ТIеххьарбараш цIабаьхкар август бетта 29 дийнахьа карарча 2018 шера. Боинг яха фекема хьалгIаттар г. Медина. г. Магас яхача маршрутах. Фекема хьалдизза бар нах. Ала дезаш да цу атта боацача наькъа кулгал деш вар хьажой кулгалхо хинна Сурхо тIара Овшанаькъан Ахьмада воI Абубакар-молла.
Из дуккхаза хьажцIа ваха саг ва, цунна дика довз деррига а. Арабист ва Абабукар, шаьра бувц цо Iарбашца цар мотт, гIалгIайбар санна. Из ца хилча йиш яцар тхога. ХIаьта вайна юкъе дукха ма бий хала оамал йолаш нах. Иштта белгалдаккха лов сона, Муцольгов Iусман молла воI Башир-Хьажа а ва дика арабист. Цо а дика гIо новкъостал ду наха. ГIулакхаца саг ва из. Мича ваха веза, фу де деза хьалхадоаккхар цо наха, Iарбий мотт цIена бувцар. Ца хилча варгвоацаш саг ва Башир-Хьажа.
МаIа нах хинна ца Iеш кхалнах а бар тхоца хьажол деш. Хоза иман долаш бар уж: Хьажий мурдаж, Даьдий мурдаж, Iовдий мурдаш, БатIал-хьажий мурдаж – берригаш цхьан нанас баь вежарий санна бар цига Iобаьхка хинна вIашагIкхийтта нах. Доккха беркат ма дий Iалама нах, цар сий де а уж лархIа а беза вай. Уж ба къулба санна вайна хьалха латтараш. Нийса никъ хьех цар наха. Ак аьнна хетар мунапакъ ва. ШахIадат хьалха доаккхаш шоайла къин тIера довла яхаш хьувз уж:
Каст-каста мовлат дешар наха. Кхо сахьат шовзткъе итт минот яьлча йода самолет аэропортера г. Медина г. Магас. Эггара езагIйола рейс я из бусулба наха. Поалхаме волга ховргдолаш ва фекема пилот а. ВIалла агийтац цо из. Персидски залив, Каспийский форд, Азербайджана цхьа оагIув дакъа лоацаш тIехьйоал из, хоам бу диктора пассажирашка хьаьшашка. Ма эздий нах ба уж, хьажой, царна юкъе я куст а долаш хоза шиъ кхалсаг – лораш.
Ганижева Жимсари лор-терапевт, балха я Назранерча поликлинике, травматолог а я из. «Универсальный врач, высшей категории я из», оал цох наха. Ший даггара удаш, наха дарба деш шахьа яха лел из. ЙIайха я корпусашка а, ара городе а, са даха хала да. ЙIовхараш хинний наха, кхайкабу… корта лаз, насмарка хиннад, ангина а да. «Даьла кхела раьза да вай», яхаш шек дIабоацаш кадай лел цхьабараш. ХIаьта гIов-сибат хоза лор – Жимсари массанахьа кхоаю. Пациенташ ловцаш доахаш оал, «хоза йолаш, товш саг я доктор Ганижева», аьле. Из ший кабинете нийсъелар сона, шоллагIча корпусе. Хаттар лу аз цунга:
– Со журналист Сулам-Бек Аушев ва. Фу аргда Iа вай хьожолах а хьай лоралах а лаьца.
КIезига уйла а я, са хаттара жоп луш цо аьлар:
– Ламаз дича Iумрат дича ялац со. Лорий болх чIоагIа бехктокхаме ба Далла а наха а хьалхашка. Воккхача Iилманхочо Гиппократа хиннар мо дола айс даь нигат, биъа дув къараде йиш яц са. Наха дарба де деза са сай ма хулла. Сай хьинарца къахьег аз. Харцле йиш яц са Далла гу деррига а. Сай хьаькъал низ кходиц аз. Наьха вахарах жоп дала декхарийла я со а хIара лор а. ХIаьта сай хьажцIа я вIаштIехьдаларах доаккхал а ду аз, аьлар сога Жимсаре.
Дика дийша говзанча я Ганижева Жимсари. 48 градус йIовхал я хьажцIа, Iарбий мехка, хала я из наха. 1988 шера яьй Ганижева Жимсари. ГIалгIай Мединститут, Паччахьалкхен унисерситет дийша чакхъяккхай цо. Ялх шера дийшача Назрановски Клинически больнице балха эттай из. Цу хана денз лорий болх беш хьайоагIа из тахханалца, хьаьнала къахьегаш. «Вай тоаба юкъе ва вайца Гадаборшев, доктор медицинских наук», йоах сога Ганижевас. Дика да. Баркал хьона «Сердало» газета интервью яларах, оал аз цунга.
Иштта аланза даргдац цхьоалагIча корпусе г.Мекке лорал деш йолча Балайнаькъан Хас-Мухьаммада Маремах а. ГIалгIайчен Паччахьалкхен Университет дийша чакхъяккхай цо. Из я лор, скорая помощь яхача машена тIа болх беш г. Сунже. Ший лорий балхах бIубенна яшаш хьайоагIа Марем. Врач высшей категории я Балаева, оал цох. Балхах дика кхеташ я Марем. Пациенташ лат цун наIарга, дарбанга сатувсаш. Шаккха а лорашта тешал дир наха, Балаевайна а Ганижевайна а. Цар аьлар дика ба ераш Балаева Марем Ганижева Жимсари, доктор ИрахIим а. Тхона дарба даьд цар тешаме, царна баркал ях оаха.
Врач высшей категории ва Гарбаков Идрис. Врач пенсионер ва Арчаков Микаил, ортопед ва Мургустов ИбрахIим, хирург-онколог ва Гадаборшев Зелимхан, иштта кхы дIахо а ба.
Йоккхий шахьараш я Мекка а, Мендина а, Мина а хало да цу шахьарашка лела. Тувлавала а торлу цхьавар. Со а висар нахах дIакъаьста шайтIашта кхертIой тувсача хана. ХIаьта новкъост Бекмурзиев а кхийтта гостинице хьавера со. Даара малара камаьрша ба укхаза гIалгIай, вай мехкара нах дика Iимерза ба шоайла. Фоторепортераш снимкаш доах наха, из доккха совгIат лоархI хьажоша. Баьццара гаьнаш кIезига я укх шахьарашка. Сомий гаьнаш вIалла а яц. ДIа-хьа хьожача кхерий лоамаш да бIарг ма кхоачча. Уж Iохерцаш Iолаьтта долхаш латт. ДогIа делхац вIалла а. ДIа мел хьажача къамий нах ба бIаргагуш. Ше ший мотт лебу хIаране: Iарбий, Туркий, Узбекий, Ираний, ГIалгIай, Нохчий, Селий, Татарий, Афганий, Пакистаний, кхы дIахо а. ЦаI эрсе гуц сонна укхаза. Корта берзан а дегI гойташ а кхалсаг яц, еза моттиг я ер. Ца хаддаш «лаббайка» яха дош оал массане а.
Даьла салам хилда цунна, ИбрахIим Пайхамар, хьеву наха. Кааба гобоах дукхача оазашца. ХIара го мел боакх, гон тIа мел кхоач кхера уллача зерата бисмиллахI, АллахIу Акбар оал бордаш тIа кулг а дилле. ВорхI го боакх, цу хьалха кулгалхо ва хIара тоабан тIалатташ. Дударов Беслан-кулгалхо, Ваделов Мажит-кулгалхо, Аушев Абабукар-Хьажа Сурхо тIара иштта кхы дIахо бараш а.
Хьожол деш ба Катиев Умат-Гири, Кусиев Абазбик, Бахьаудин, Арчаков Хьасан, Аушев Абуезит, Экажкъонгий–Юртара, Аушев Руслан, Муцольгов Зяудин, Барахоев Микаил, Нальгиев Махьмад-Гири, Баркинхоев Бекхан, Хутиев Хажмурад, Хутиев Аламбек, Хутиев Муса, Беслан – назма зикар хьалха дика оал Беслана, муам дика ба цун. Баркинхоев Дауд назманч ва. Къаьстта белгалбаха лов сона гIулакхаца, эзделаца бола Аушев Хаваж ИбрахIим, Аушев Мурад, Аушев Адам ИбрахIима воI.
ХIаьта Сурхо тIара саг, Нальгиев Вахий воI Хьусен туркх ва. Укх езача тоабанна, шоаш безийта хов царна. Дабриев Мухьмад–хьажас солот а оалаш долх тхо наькъа. Тха автобус йизза нах ба. Ровзате кхаьчача цига ламаз де лерхI оаха. Баьдлуш латт ара. Юкъ-юкъе лампаш сагай шахьарашка. Ийсс сахьат пхийт минут яьннача хана Дзортов Iаьлий да веннача сагIа даьккха сагIа диъар наха. Зикар а дир, маьл дIакхайкабир. Цхьа Iарбе а вар укхаза Иорданера вена. Кодам бир цо, аьттув хилба шун аьллар хьажол дирах хоза дош аьлар нахага Iарбечо. Раьза хиллар нах Дзортов Iаьлас перевод а яь цо фу йоах хайча. ГIулакх даьрашта баркал аьлар. Из бархI сахьат даьнна ха яр, бийсана, г. Мина.
Даьла хьехаве веза дег чура йоах Iарбечо! Дог-уйла нигат цIена хила деза вай вежарий оал цо. Аз дувцар дег чура къамаьл да АллахI хьехаварах лаьца. ТIатох Iарбечо, Дала аьттув лулба шоана хьамсара вежарий! Алхьам деша Iарбечо, сагIа хилда оал. Куст долаш саг ва Iарбе. Сулхьаш лу Iарбечоа Iаьлас. СагIа хилда а аьле дIаэц цо шийна денна сулхьаш.
Август бетта 22 дийнахьа кхелхар Сурхо тIара Ахьмад, кхаьрача дийнахьа дар из, бийсанна 21:20 сахьат даьннача хана. Полонкоев Ахьмада истол хьалдиза даъар оттадаьд, хий а чай а да молаш, туркхаш имамаш хьагулбаьб Ахьмад–хьажас. Iо ца ховш нийсса уралат Поалонкой Ахьмад 40-совгIа саг хургва укхаза Iохайша багIараш. Со а вагIа царца. Хьаькъал долаш къамаьл да наха дер. Доккха мовлат дар из. Кулгалхо Теркакиев Ахьмад дизза ший декхар кхоачашдеш хьувз. Бехк ца хилийта шийх наьха чам ца бойта гIерт из. ХьажцIа баьхкарий хьашташ дизза кхоачашду.
Ахьмад со аьнна саг вац. ТIехьагIа ший нахаца вахавезилга хов цунна. Iалама нахах 6 саг ва укхаза. Царех цаI дикка белгалваьнна ва наха юкъе. Дика лоархIаш ва Халухаев ИбрахIим. Цо оалар дика кхетаду наха. Эггара хьалха Мухьаммад с.а.в. Пайхмара са кхеллад Дала аьлар цо. Цун умматах хилда вай. Амин йоах наха. Элчан зерат де деза вай, салот даха деза даим, гIурба а къоабала хилда вай. Нах раьза ба цо яхачоа. Акмоленски областера хьалбаьхка шиъ саг Патиев Мухтари, Патиев Солсбеки хьажол дика деш чаккхбаьлар эзделаца. ГIулакхаца нах болга хайтар цар шоаш. Вайнаьха мотт дика, цIена лебора цар. Уж моргаш хилба вай дукхадезача ков–карта, сийдола Патинаькъан къонахий!
Иштта дика чаккхдаьлар наьха 2018 Хьажол. Фекема Боинг 737 Iодессар аэропорт «Магас» – 3 сахьат 10 минут яьлча. Доккха дика да–кх ер хIанз, аьлар хьажоша. Хоастам Далла наIараш хьа а йийла нах лаьтта бессар. Хьажол къоабал хилда шун аьнна духьалвера, аэропорта начальник Евлоев ЗаIми воI Ваха. Могаш хилда шо аьнна ловца баьккхар цо хьажошта. Наха конвейера тIара шоай багаж хьаийцар, цIенгахьа бийрзар уж. Духьалбаьхкараша цIабигар хьажой. Доккха ираз да вай гIалгIай, Дала ший дикаех кхедолда вай хьамсара бусулба нах!
Хадж 2018 дика чакхдаьлар, г. Мекка, г. Медина, Ингушетия.
2018 шера хьажол даьча наьха дехарца, са дехар да шуга, ер статья тIайола газет бIехача метте дахьа мегаргдац. Из кхераме да.

Сулам-Бек Аушев

№147 (12083), ера, 4 октябрь, 2018 шу/Четверг, 4 октября 2018 года

 
По теме
Хоза гIулакх. Эзди саг. - Сердало ГIалгIаша оалаш да: «ФуннагIа тIакхачарах, миччахьа нийсваларах эзделах воха мегаргвац», — аьле.
05.10.2018
ТИЙШАБОЛХ БАЬЧОХ БОДА - Сердало ДУВЦАРАШ Сецца сомаваьлар Ахьмад. Хоалуш дар сатоссаш латтилга, камера чу лакхе доаллача зIамигача корилга сердал хайра ца йоагIе а. Юкъага денача лазаро корзагIваьккхар из.
03.10.2018
 
Участники митинга в Ингушетии совершили пятничный намаз на главном проспекте в Магасе - Ингушетия Участники митинга совершили коллективную пятничную молитву на центральном проспекте имени Зязикова в Магасе, сообщил газете «Ингушетия» представитель духовенства.
12.10.2018
Диалог с молодежью - Ингушетия В Пятигорске начала свою работу Политологическая школа «Каспий» 10 октября в Пятигорске начала свою работу Политологическая школа «Каспий», проходящая в рамках VI Международного политологического форума «Российский Кавказ».
10.10.2018
 
Всероссийский конкурс-фестиваль искусств «Рождественские огни», посвященный празднику Рождества Христова, проводится с 2014 года, и направлен на объединение церковных и светских учреждений под знамена православного фестиваля,
05.10.2018
IMG 20181018 095110 - Народное собрание 17 октября в Керченском политехническом колледже произошел взрыв. По последним данным, погибли 20 человек, более 50 пострадали.
18.10.2018 Народное собрание
27f6badc4dcf4d375672_2000x - Министерство Образования 17 октября в Керченском политехническом колледже произошёл взрыв. Министр просвещения Российской Федерации выразила соболезнования родным и близким погибших в результате взрыва в Керчи:
18.10.2018 Министерство Образования
Архив Ингушские следователи возбудили уголовное дело в отношении 35-летней жительницы республики по подозрению в участии в запрещенной в России международной террористической организации.
12.10.2018 Ингушетия
Человечность и профессионализм Хочу выразить благодарность заведующей отделением неврологии Республиканской детской больницы Хяди Мальсаговой.
09.10.2018 Сердало
Марем Богатырева Архив Вынесен приговор 17-летнему жителю республики, похитившему золоту звезду «Героя труда» у знаменитой ингушской доярки Марем Богатыревой, сообщили газете «Ингушетия» в пресс-службе прокуратуры.
08.10.2018 Ингушетия
Участники митинга в Ингушетии совершили пятничный намаз на главном проспекте в Магасе - Ингушетия Участники митинга совершили коллективную пятничную молитву на центральном проспекте имени Зязикова в Магасе, сообщил газете «Ингушетия» представитель духовенства.
12.10.2018 Ингушетия
Диалог с молодежью - Ингушетия В Пятигорске начала свою работу Политологическая школа «Каспий» 10 октября в Пятигорске начала свою работу Политологическая школа «Каспий», проходящая в рамках VI Международного политологического форума «Российский Кавказ».
10.10.2018 Ингушетия
Мухаммад Рахимов Архив Мне кажется, то, что происходит сейчас в республике, раздувается специально, и мы сегодня всеми силами должны это остановить, заявил муфтий Ставропольского края Мухаммад Рахимов.
05.10.2018 Ингушетия
Ираз долаш яьха кхалсаг - Сердало Шовзткъа шу гаргга ха я из кхалсаг сона яйза. Цу юкъа дукха хIама хувцаденнад, эргадаьннад.
18.10.2018 Сердало
Творческий тандем - Ингушетия В свет вышли три нотных альбома Павла Беккермана и Ауеса Бетуганова В газете «Ингушетия» не раз уже писали о творческом тандеме московского композитора,
18.10.2018 Ингушетия
Школьные библиотекари отметили свой профессиональный праздник Знаменитый американский писатель Стивен Кинг так охарактеризовал значение книжных библиотек: «Если каждая книга — маленький огонёк в темноте,
17.10.2018 Ингушетия
В октябре 2018 года Русский государственный музыкально-драматический театр Республики Ингушетия отмечает свой юбилей — 20 лет со дня основания.
18.10.2018 Ингушетия
Музыка и общество тесно связаны и сейчас нередко встретишь прохожего, абстрагировавшегося от внешнего мира с капельками в ушах и висящими от него проводами.
18.10.2018 Сердало
Нам всегда чего-то не хватает… - Сердало В череде последних событий тема футбола отошла на задний план. Но даже если не было бы митинга, особой радости мы бы не испытали.
18.10.2018 Сердало
Сборная Ингушетии заняла третье место на Фестивале культуры и спорта народов Кавказа - Постоянное представительство Республики Ингушетия Глава Ингушетии Юнус-Бек Евкуров провел встречу с членами ингушской команды, принимавшей участие в Фестивале культуры и спорта народов Кавказа.
19.10.2018 Постоянное представительство Республики Ингушетия
Сергей Чеботарёв поздравил финалистов программы профессиональной переподготовки управленцев СКФО - Постоянное представительство Республики Ингушетия Министр Российской Федерации по делам Северного Кавказа Сергей Чеботарёв поздравил финалистов V модуля образовательной  программы профессиональной переподготовки  управленцев СКФО «Управленческое мастерство:
19.10.2018 Постоянное представительство Республики Ингушетия