​ВЕТЕРАНИЙ СИЙДАР

​ВЕТЕРАНИЙ СИЙДАР
Фото: serdalo.ru

Сийлахь боккхача тIем тIа котало яьккха денош хьатIадоагIаш, вай мехкара дегIа лазар кхийтта могаш боацаш метта бола ветеранаш болча ваха хилар ГIалгIайчен Мехкада Евкурнаькъан Баматгире Юнус-Бек. Из цига ше хиларах лаьца цо язду Фейсбуке, ший лаьрхIа йолча оагIон тIа.

Коталон ди дездеш цIай дIахьоча парадашка хьабахка аьттув боацаш могаш воаца хIара ветеран волча чуотташ уж доккхача котталон денца даькъалабувцаш, тIем тIа котало яккхарах царна баркал оалаш чакхавьлар Баматгире Юнус-Бек.

АргIанара ветеран волча Эбарг-Юртара Матенаькъан Къази Мухтар волча а нийсвелар Мехкада. Мухтар дукха ха яьнна, могаш воацаш метта ва, бакъда тIема хана хиннар дика дагадоагIаш, уж ханаш хIанз а йицъеланза ва из.

«Шоана ма гулда тхона бIаргадайнар. Хала, къиза хIама я тIом яхар. Ишта дале а цу хана масса къамах бола нах цхьа дезал санна духал лаьттар моастагIчоа. Шийна хетар доацилга хайташ юхатехар Гитлер. Кхы из ди тIа мадоагIалда цхьанна а къамашта», — йоахар Мухтара тIема ханаш дагаухаш.

Ветеран волча тIема турпалхочоа котало яккхарах баркал оалаш Мехкадас аьлар: «Шоана хьалхашка дукха хIама кхоачашде декхарийла да тхо. Баркал шоана Йоккха котало яккхарах, ший тIема гIулакх кхоачаш деш тахан бIунаца дакъа лоацаш мел болчарна хьокхам ба шо ветеранаш, оаша даьр», — аьлар гIалгIайчен Мехкадас.

Ше лаьрхIа, Мехкада ше волча варах дог гIоздаьнна гIадваха вар дукха бIарга дайна, дукха хало лайна воккха саг. ВIашагIкхетар чIоагIа хоза чакхдаьлар. ЧIоагIа раьза волаш къамаьл дир Къази Мухтара Евкурнаькъан Юнус-Бекаца. Ветеранаш лоархIаш царга хьожаш из хилар бахьан долаш ший къамаьле тIема турпалхочо Мухтара белгалдир.

«ТIехьарча шерашка, дикача оагIорахьа дукха хIама хувцаденнад вай мехка. Сай вахара раьза ва со. Долла хIама къхоачам болаш да сона, хIанз укх сахьате эшаш хIама дац. Хана-ханнахьа лораш хьож сога, са могашал метталоаттаеш. Ишта-м, цхьаккха хIама ца эшийташ сай дезал а, дезалий дезал а, дезалий-дезалий дазал а ба сога хьожаш сона гонахьа хьувзаш. Баркал хьона, тхо диц цадарах, маьрша вахалва хьо», — аьнна, Мехкадаьна баркал тIехьа ловца баьккхар ветерана Матенаькъан Къази Мухтара.

Ший оагIорахьа Мухтара баркал оалаш, цо тIем тIа лаьцача дакъа боккха лоархIам хилар белгал дир Баматгире Юнус-Бека. Цул совгIа цо аьлар, машари, барти бахьан долаш цо гайта турпали, къонахчали дукхача Вай паччахьалкхен тахан бахарий дегашка долга а цун дохьал уж баркал оалаш болга а.

«Оаха массаза а доаккхал дергда шох – турпалхоех. Тешаш ва со кхувш йоагIача тIехьено оаша хьабена никъ бизза дIахо хьоргхиларах. Шо мо дола нах бахьанце хул цу шерашкарча къаман тархьар дIаьхий а низ болаш а», — аьнна, белгалдир Мехкадас.

Ше водаш воккхача сага моаршал а кхайкадаь, цIаькха цунна котало бахьан долаш баркал а аьнна, дIахо кхыбола ветеранаш болча вахар ГIалгIайчен Мехкада Евкурнаькъан Юнус-Бек.

Ди тIехьа кIезиг луш латта вай ветеранаш, уж берригаш а дуне дита дIабахале царна мел ховр, цар тIем тIа дакъа лоацаш леладаь гIулакхаш царга хьадувцийта деза вай. Царна салоIам а товр а хул вай шоашка ладувгIаш, шоаш леладьа гIулакх дувцийташ хилча. Дала маьрша боахаболба вайна уж.

ТIом яхар хала хIама да. Вай даьша яхад, «ТIемо воIваьвац, тIемо воI вийнав», ишта цхьаькха а да цу хьаькъе кица, «Нанас воI тIема виц», яхаш. Дерригача дунео тахан кхетадаьд тIом во хIама хилар, цудухьа да ишта уж кицаш а.

Дала кхы цу тайпара тIом тIа ма байталба цхьаннена а.

Матенаькъан Илез

«Сердало» № 66 (11802), четверг, 11 мая 2017 года

 
По теме
В связи с предстоящим юбилеем 100-летия образования ингушской государственности, Министерство культуры напоминает о Республиканском конкурсе на создание лучшей композиции, в рамках подготовки к юбилейному праздничному мероприятию.
Источник фото: Фото редакции Полиция от местной жительницы узнала, что женщина, которая назвалась Светланой Федоровой, под предлогом продажи посредством соцсетей мебели, бытовой техники и посуды, в 2022-2023 гг.
Источник фото: Фото редакции Национальный проект «Демография», как известно, нацелен на улучшение благосостояния семей за счет мер финансовой помощи, которые будут способствовать повышению рождаемости,
photo_5343742741852575501_y (1) - Министерство культуры ГБУ «Филармония им. А. Хамхоева» станет организатором конкурса, в котором могут принять участие все желающие.
Министерство культуры
В ОФСИН России по Республике Ингушетия прошли пожарно-тактические учения - ОФСИН по Республике Ингушетия Сотрудниками ведомственной пожарной охраны ОФСИН России по Республике Ингушетия совместно с работниками пожарно-спасательной части № 4 г. Карабулак МЧС России по региону были проведены занятия,
ОФСИН по Республике Ингушетия
Суд апелляционной инстанции по уголовным делам Верховного суда Ингушетии 28.03.2024 рассмотрел материал досудебного производства по апелляционной жалобе защитника на постановление Магасского районного суда,
Верховный Суд
Корь - это острое инфекционное заболевание, характеризующееся общей интоксикацией, воспалительными явлениями со стороны слизистых глаз, носоглотки, верхних дыхательных путей, характерной сыпью.
Роспотребнадзор
В рамках реализации всероссийского проекта «ДоброВСело» врачи Сунженской центральной районной больницы совместно с волонтерами-медиками провели масштабное профилактическое мероприятие в сельских поселениях Чемульга и Аршты.
Газета Ингушетия
Стартовал региональный этап Всероссийского конкурса исследовательских проектов «Без срока давности» - Министерство Образования С 20 марта стартовал региональный этап Всероссийского конкурса исследовательских проектов «Без срока давности», который продлится до 10 апреля 2024 года.
Министерство Образования